ءبىلىم بەرۋ ۇيىمدارىنىڭ ءبىرىنشى باسشىلارىن تاعايىنداۋ ق ر ءبىلىم جانە عىلىم ءمينيسترىنىڭ «مەملەكەتتىك ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ باسشىلارىن كونكۋرستىق ورنالاستىرۋ جانە مەملەكەتتىك مەكتەپكە دەيىنگى، ورتا تەحنيكالىق جانە كاسىپتىك، ورتا بىلىمنەن كەيىنگى قوسىمشا ءبىلىم بەرۋ ۇيىمىنىڭ باسشىسى لاۋازىمىنا كونكۋرستىق تاعايىنداۋ قاعيدالارىن بەكىتۋ تۋرالى» 2012 جىلعى 21 اقپانداعى №57 بۇيرىعىنا وزگەرىستەر ەنگىزۋ تۋرالى قازاقستان رەسپۋبليكاسى ءبىلىم جانە عىلىم ءمينيسترىنىڭ 2021 جىلعى 19 قاراشاداعى №568 جانە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2021 جىلعى 22 قاراشاداعى №432 بىرلەسكەن بۇيرىعىنا (بۇدان ءارى – بۇيرىق) سايكەس كونكۋرستىق نەگىزدە جۇرگىزىلدى.
كونكۋرستىڭ اڭگىمەلەسۋ كەزەڭى الەۋمەتتىك جەلىلەردە تىكەلەي كورسەتىلىم ارقىلى جاريالاندى. سونىمەن قاتار ۇمىتكەرلەردەن تىكەلەي كورسەتىلىم جاساۋعا كەلىسىم الىندى. بۇيرىق ەرەجەسىنە سايكەس، كوميسسيا قۇرىلدى. جاريالانىمدا اڭگىمەلەسۋ كەزەڭىنە – بايقاۋشىلاردىڭ قاتىسۋعا بولاتىندىعى ەسكەرتىلدى. بۇگىنگى اڭگىمەلەسۋگە 54 مەكەمەگە 73 ۇمىتكەر قاتىستى.
ۇمىتكەردى باعالاۋ اشىق داۋىس بەرۋمەن جۇرگىزىلەدى. №10 قوسىمشاداعى باعالاۋ پاراعى قوسا تىركەلدى. سونداي-اق كوميسسيا مۇشەلەرى تولىقتى. قازىرگى تاڭدا «اڭگىمەلەسۋ» كەزەڭىندە 9 كوميسسيا مۇشەسى بار. بۇيرىق تالابىنا ساي وسى كەزەڭگە دەيىن ۇمىتكەرلەر قۇجات تىركەۋ، تەست، قامقورشىلىق كەڭەس كەزەڭدەرىنەن وتكەن. كوميسسيانىڭ اشىق داۋىس بەرۋ تارتىبىمەن 13 مەكەمەگە ۇمىتكەر انىقتالدى.
