Túrkistan qalasynda tehnikalyq jáne kásiptik, orta bilimnen keiingi bilim berý uiymdarynyń stýdentteri arasynda «Eńbek kýbogy» spartakiadasy bastaldy, dep habarlaidy Dalanews.kz
Biylǵy saiysqa Qazaqstannyń 20 óńiriniń kolledjderinen kelgen 2 myńǵa jýyq stýdent qatysýda. «Túrkistan arena» stadionynda ótken spartakiadanyń ashylý saltanatynda QR Oqý-aǵartý ministri Ǵani Beisembaev pen Túrkistan oblysynyń ákimi Nuralhan Kósherov quttyqtaý sóz sóilep, sportshyllarǵa sáttilik tiledi.
– Memleket basshysy jariialaǵan «Jumysshy mamandyqtar jyly» aiasynda kolledj stýdentteri arasynda uiymdastyrylǵan alǵashqy «Eńbek kýbogy» respýblikalyq spartakiadasynyń ashylýymen shyn júrekten quttyqtaimyn! Respýblikalyq spartakiadanyń elimizdiń qasietti de tarihi mekeni – Túrkistan qalasynda ótkizilip otyrǵany zor mańyzǵa ie. Bul óńir – el birliginiń, órkeniet pen mádeniettiń, jasampazdyqtyń jarqyn úlgisi. Qazirgi tańda tehnikalyq jáne kásiptik bilim berý júiesin transformatsiialaý baǵytynda úlken jumystar júrgizilip jatyr. 2025 jylǵy 1 qyrkúiekten bastap jan basyna shaqqandaǵy qarjylandyrý kólemi eki esege ósedi. Bul kolledjderdiń materialdyq-tehnikalyq bazasyn jaqsartýǵa, pedagogtardyń biliktiligin arttyrýǵa múmkindik beredi. Búgingi «Eńbek kýbogy» spartakiadasy sizderge tek sporttyq jiger men rýh berip qana qoimai, eńbekke degen jańa kózqaras qalyptastyrady dep senemin. Barshańyzǵa sáttilik, myqty densaýlyq, biik belester tileimin! – degen Ǵani Beisembaev Eńbek kýbogyn Túrkistan oblysynyń ákimi Nuralhan Kósherovke tabystady.
Oblys ákimi Túrkistan oblysy iri sporttyq dodalardy qabyldaýǵa daiyn ekenin jetkizdi.
– Memleket basshysy Qasym-Jomart Kemeluly 2025 jyldy «Jumysshy mamandyqtar jyly» dep jariialady. Osyǵan orai, Túrkistanda alǵash ret «Eńbek kýbogy – 2025» respýblikalyq spartakiadasy bastaldy. Túrkistan oblysy – damýshy aimaq! Oblysta tehnikalyq jáne kásiptik bilim berý salasynda jańa josparlarymyz bar. Qazirgi tańda 50 kolledjde 45 myńnan astam stýdent bilim alýda. Biyl kolledjderge 15 myńnan astam grant bólýdemiz. Oqý baǵdarlamasyn naryq talabyna sai beiimdeimiz. Atalǵan baǵytta jańadan 11 jumysshy mamandyǵyna litsenziia alynady. Túrkistan – tarihi orda! El Prezidenti bul qalaǵa erekshe mártebe berip, damýyna turaqty kóńil bólýde. Qasietti shaharda respýblikalyq spartakiadanyń ótýi zańdylyq. Sebebi Túrkistan – eńbek adamdarymen maqtanatyn óńir. Oblysta «Óńirlik jumyspen qamtý kartasy» boiynsha 130 myńnan astam jańa jumys orny ashylady. Onyń 60 paiyzy jumysshy mamandyqtarǵa arnalǵan. Aimaqta jańa zaýyttar men óndiris oryndary ashylýda. Jastardy shaqyramyz. Qurmetti jas sportshylar! Ádiletti Qazaqstandy adal adamdar qurady. «Eńbek kýbogy» saiysy arqyly biz adal, otanshyl jastardy tárbieleimiz. Jarys nátijesinde úzdik stýdentterge Qoja Ahmet Iasaýi atyndaǵy halyqaralyq qazaq-túrik ýniversiteti bilim grantyn taǵaiyndaidy. Birqatar jetekshi kásiporyndar spartiakiada jeńimpazdary úshin arnaiy sertifikattar tabystap, jumysqa qabyldaidy. Búgingi jarys jalyndy jastarǵa jiger beredi dep senemin! – dedi Nuralhan Kósherov.
Túrkistan tórindegi spartakiadanyń ashylý saltanaty joǵary deńgeide uiymdastyrylyp, Ábý Nasyr Ál-Farabi, Qoja Ahmet Iasaýi ǵulamalarmen qatar Ybyrai Altysarin, Qajymuqan Muńaitpasuly syndy tulǵalar engizilgen kórinis usynyldy. Patriottyq ánder shyrqaldy.
Aita keteiik, spartakiada baǵdarlamasyna basketbol, shaǵyn fýtbol, fýtzal, toǵyzqumalaq, shahmat, ústel tennisi jáne voleibol sporttary engizilgen.
