Eńbek ministrligi Koreiada zańsyz júrgen qazaqstandyqtarǵa elge oralýǵa keńes berdi, dep habarlaidy Dalanews.kz.
Qazaqstannyń Eńbek jáne halyqty áleýmettik qorǵaý ministriniń birinshi orynbasary Asqarbek Ertaevtyń aitýynsha, búginde Ońtústik Koreiada shamamen 15 myń qazaqstandyq jumys isteidi. Olardyń ishinde 11 myńynyń mártebesi zańsyz.
Eki el arasyndaǵy kelisim áli rettelmegen
Ertaevtyń málimetinshe, qazaqstandyqtar Koreiada resmi túrde eńbek ete almai otyr, sebebi eki el arasyndaǵy jumys kúshin zańdy jolmen tartý jónindegi kelisimder áli jasalmaǵan.
Koreiada jappai tekseris bastaldy
Jaqynda Ońtústik Koreia politsiiasy zańsyz migranttarǵa qarsy iri reid júrgizip, elde ruqsatsyz júrgen shetel azamattaryn ustap, óz elderine qaitardy.
Bilik jyl sońyna deiin zańsyz júrgenderdiń barlyǵy erikti túrde eline oralýy qajet ekenin eskertken.
Ministrlik Koreiada júrgen qazaqstandyqtarǵa elge óz erkimen qaityp, zańdy jumys isteý joldaryn qarastyrýǵa keńes berdi.
