تٷركٸستان قالاسىندا تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸم بەرۋ ۇيىمدارىنىڭ ستۋدەنتتەرٸ اراسىندا «ەڭبەك كۋبوگى» سپارتاكياداسى باستالدى, دەپ حابارلايدى Dalanews.kz
بيىلعى سايىسقا قازاقستاننىڭ 20 ٶڭٸرٸنٸڭ كوللەدجدەرٸنەن كەلگەن 2 مىڭعا جۋىق ستۋدەنت قاتىسۋدا. «تٷركٸستان ارەنا» ستاديونىندا ٶتكەن سپارتاكيادانىڭ اشىلۋ سالتاناتىندا قر وقۋ-اعارتۋ مينيسترٸ عاني بەيسەمباەۆ پەن تٷركٸستان وبلىسىنىڭ ەكٸمٸ نۇرالحان كٶشەروۆ قۇتتىقتاۋ سٶز سٶيلەپ, سپورتشىللارعا سەتتٸلٸك تٸلەدٸ.
– مەملەكەت باسشىسى جارييالاعان «جۇمىسشى ماماندىقتار جىلى» اياسىندا كوللەدج ستۋدەنتتەرٸ اراسىندا ۇيىمداستىرىلعان العاشقى «ەڭبەك كۋبوگى» رەسپۋبليكالىق سپارتاكياداسىنىڭ اشىلۋىمەن شىن جٷرەكتەن قۇتتىقتايمىن! رەسپۋبليكالىق سپارتاكيادانىڭ ەلٸمٸزدٸڭ قاسيەتتٸ دە تاريحي مەكەنٸ – تٷركٸستان قالاسىندا ٶتكٸزٸلٸپ وتىرعانى زور ماڭىزعا يە. بۇل ٶڭٸر – ەل بٸرلٸگٸنٸڭ, ٶركەنيەت پەن مەدەنيەتتٸڭ, جاسامپازدىقتىڭ جارقىن ٷلگٸسٸ. قازٸرگٸ تاڭدا تەحنيكالىق جەنە كەسٸپتٸك بٸلٸم بەرۋ جٷيەسٸن ترانسفورماتسييالاۋ باعىتىندا ٷلكەن جۇمىستار جٷرگٸزٸلٸپ جاتىر. 2025 جىلعى 1 قىركٷيەكتەن باستاپ جان باسىنا شاققانداعى قارجىلاندىرۋ كٶلەمٸ ەكٸ ەسەگە ٶسەدٸ. بۇل كوللەدجدەردٸڭ ماتەريالدىق-تەحنيكالىق بازاسىن جاقسارتۋعا, پەداگوگتاردىڭ بٸلٸكتٸلٸگٸن ارتتىرۋعا مٷمكٸندٸك بەرەدٸ. بٷگٸنگٸ «ەڭبەك كۋبوگى» سپارتاكياداسى سٸزدەرگە تەك سپورتتىق جٸگەر مەن رۋح بەرٸپ قانا قويماي, ەڭبەككە دەگەن جاڭا كٶزقاراس قالىپتاستىرادى دەپ سەنەمٸن. بارشاڭىزعا سەتتٸلٸك, مىقتى دەنساۋلىق, بيٸك بەلەستەر تٸلەيمٸن! – دەگەن عاني بەيسەمباەۆ ەڭبەك كۋبوگىن تٷركٸستان وبلىسىنىڭ ەكٸمٸ نۇرالحان كٶشەروۆكە تابىستادى.
وبلىس ەكٸمٸ تٷركٸستان وبلىسى ٸرٸ سپورتتىق دودالاردى قابىلداۋعا دايىن ەكەنٸن جەتكٸزدٸ.
– مەملەكەت باسشىسى قاسىم-جومارت كەمەلۇلى 2025 جىلدى «جۇمىسشى ماماندىقتار جىلى» دەپ جارييالادى. وسىعان وراي, تٷركٸستاندا العاش رەت «ەڭبەك كۋبوگى – 2025» رەسپۋبليكالىق سپارتاكياداسى باستالدى. تٷركٸستان وبلىسى – دامۋشى ايماق! وبلىستا تەحنيكالىق جەنە كەسٸپتٸك بٸلٸم بەرۋ سالاسىندا جاڭا جوسپارلارىمىز بار. قازٸرگٸ تاڭدا 50 كوللەدجدە 45 مىڭنان استام ستۋدەنت بٸلٸم الۋدا. بيىل كوللەدجدەرگە 15 مىڭنان استام گرانت بٶلۋدەمٸز. وقۋ باعدارلاماسىن نارىق تالابىنا ساي بەيٸمدەيمٸز. اتالعان باعىتتا جاڭادان 11 جۇمىسشى ماماندىعىنا ليتسەنزييا الىنادى. تٷركٸستان – تاريحي وردا! ەل پرەزيدەنتٸ بۇل قالاعا ەرەكشە مەرتەبە بەرٸپ, دامۋىنا تۇراقتى كٶڭٸل بٶلۋدە. قاسيەتتٸ شاھاردا رەسپۋبليكالىق سپارتاكيادانىڭ ٶتۋٸ زاڭدىلىق. سەبەبٸ تٷركٸستان – ەڭبەك ادامدارىمەن ماقتاناتىن ٶڭٸر. وبلىستا «ٶڭٸرلٸك جۇمىسپەن قامتۋ كارتاسى» بويىنشا 130 مىڭنان استام جاڭا جۇمىس ورنى اشىلادى. ونىڭ 60 پايىزى جۇمىسشى ماماندىقتارعا ارنالعان. ايماقتا جاڭا زاۋىتتار مەن ٶندٸرٸس ورىندارى اشىلۋدا. جاستاردى شاقىرامىز. قۇرمەتتٸ جاس سپورتشىلار! ەدٸلەتتٸ قازاقستاندى ادال ادامدار قۇرادى. «ەڭبەك كۋبوگى» سايىسى ارقىلى بٸز ادال, وتانشىل جاستاردى تەربيەلەيمٸز. جارىس نەتيجەسٸندە ٷزدٸك ستۋدەنتتەرگە قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ بٸلٸم گرانتىن تاعايىندايدى. بٸرقاتار جەتەكشٸ كەسٸپورىندار سپارتياكيادا جەڭٸمپازدارى ٷشٸن ارنايى سەرتيفيكاتتار تابىستاپ, جۇمىسقا قابىلدايدى. بٷگٸنگٸ جارىس جالىندى جاستارعا جٸگەر بەرەدٸ دەپ سەنەمٸن! – دەدٸ نۇرالحان كٶشەروۆ.
تٷركٸستان تٶرٸندەگٸ سپارتاكيادانىڭ اشىلۋ سالتاناتى جوعارى دەڭگەيدە ۇيىمداستىرىلىپ, ەبۋ ناسىر ەل-فارابي, قوجا احمەت ياساۋي عۇلامالارمەن قاتار ىبىراي التىسارين, قاجىمۇقان مۇڭايتپاسۇلى سىندى تۇلعالار ەنگٸزٸلگەن كٶرٸنٸس ۇسىنىلدى. پاتريوتتىق ەندەر شىرقالدى.
ايتا كەتەيٸك, سپارتاكيادا باعدارلاماسىنا باسكەتبول, شاعىن فۋتبول, فۋتزال, توعىزقۇمالاق, شاحمات, ٷستەل تەننيسٸ جەنە ۆولەيبول سپورتتارى ەنگٸزٸلگەن.
