Atalǵan júie jalpy orta bilim berý uiymdary pedagogtaryn jumysqa qabyldaýdy jáne mektep direktorlaryn konkýrstyq taǵaiyndaý barysyn avtomattandyrady.
Sondai-aq, bilim uiymdaryndaǵy tehnikalyq qyzmetkerlerdiń bos oryndary jaily habarlamalar ornalastyrylǵan. Búgin bul týraly Túrkistan oblysynyń óńirlik kommýnikatsiialar qyzmetinde ótken brifingte bilim basqarmasy basshysynyń orynbasary Ardaq Sadyqova málimdedi.
Onyń aitýynsha, búgingi kúnge deiin atalǵan elektrondy júiede 1571 pedagog pen tehnikalyq qyzmetkerdiń bos jumys oryndary týraly habarlama jariialanǵan eken.
«Qazirgi tańda jumys.sitcen.kz portaly arqyly 837 adam jumysqa ornalasqan. Bul úlken jetistik. Turǵyndar jańa tehnologiialarǵa beiimdelip keledi. Júiege jalpy jumys izdeýshiler tarapynan qyzyǵýshylyq tanytyp, búgingi kúni 62 778 qoldanýshy tirkelip otyr. Sondai-aq, 4632 jumysqa qabyldaý týraly ótinish kelip túsken. Sonymen qatar, 2019 jyldan bastap daryndy balalarǵa arnalǵan mamandandyrylǵan mektep-internattaryna qabyldaý mektep.sitcen.kz portaly arqyly júzege asyrylatyn bolady. Atalǵan júiede mektepke qabyldaý konkýrsyn ótkizý tolyq avtomattandyrylǵan», - dedi Ardaq Mádihanqyzy.
