– Qazirgi tańda zaýyt toqtaýsyz jumys istep tur. Ónimderimizge suranys mol. Negizinen Túrkistan qalasy men kórshi Qyzylorda oblysynyń birqatar aýdandaryn un ónimderimen qamtyp otyrmyz, – dedi «Iassy nan» JShS-niń bas direktory Nasiba Ataeva.
Munan soń oblys ákimi Túrkistan qalasyna qarasty Shaǵa aýyldyq okrýgindegi jyl basynda iske qosylǵan «Erasyl» sharýa qojalyǵynyń jylyjaiynda boldy. Erǵali Joldasbekov basshylyq jasaityn jylyjai kólemi 0,35 gektardy quraidy. Koreialyq qurylǵymen jabdyqtalǵan jylyjaidyń smetalyq quny 70 mln. teńge. Búginde munda egilgen qiiardan 36 tonna jinalyp otyr. Negizgi qýattylyqqa jetken kezde bul jylyjaidan gektaryna 150 tonna ónim alýǵa bolady.
Aita keteiik, búginde Túrkistan qalasynda jylyjailardyń jalpy kólemi 50,6 gektardy quraidy. Onyń ishinde ónerkásiptik jylyjailar 10,5 gektar. 2016 jyly jylyjailardan kóktemgi jáne kúzgi aýysymda orta eseppen 1040 tonna qyzanaq, 1130 tonna qiiar, 90 tonna basqa da kókónister, 200 myń dana gúl, barlyǵy 2260 tonna kókónis óndirilgen. Qazirgi tańda jergilikti jerdegi jylyjailarda óndirilgen qyzanaqpen qala turǵyndary 45, qiiarmen 67 paiyzǵa qamtamasyz etilýde.
– Túrkistan qalasynda atqarylyp jatqan jumystar az emes. Desek te, kásipkerlik nysandardyń qataryn arttyryp, jumyssyzdyqty azaitý máseleleri nazardan tys qalmaýy tiis. Aýdan basshylarynyń jumysy sonda ǵana nátijeli bolady, – dedi Janseiit Qanseiituly.
Eger joba tolyq iske asyrylsa, fabrika ónimderi Túrkistan qalasyna syrttan keletin taýyq etteriniń ornyn almastyrmaq.
OQO ákiminiń baspasóz qyzmeti
