ۇن ونىمدەرىنىڭ 15 ءتۇرىن دايىندايتىن زاۋىت 2016 جىلدىڭ اقپان ايىندا ىسكە قوسىلعان. جوبانىڭ قۇنى – 200 ملن. تەڭگەنى قۇرايدى. زاۋىت بىلتىر 287654 مىڭ تەڭگەنىڭ ءونىمىن وندىرگەن. سونداي-اق بۇل زاۋىتتا ەت ونىمدەرىنەن شۇجىقتىڭ 8 ءتۇرى وندىرىلەدى. ول ءۇشىن زاۋىت ارنايى مال بورداقىلايتىن الاڭىن قۇرىپتى.
– قازىرگى تاڭدا زاۋىت توقتاۋسىز جۇمىس ىستەپ تۇر. ونىمدەرىمىزگە سۇرانىس مول. نەگىزىنەن تۇركىستان قالاسى مەن كورشى قىزىلوردا وبلىسىنىڭ ءبىرقاتار اۋداندارىن ۇن ونىمدەرىمەن قامتىپ وتىرمىز، – دەدى «ياسسى نان» ءجشس-نىڭ باس ديرەكتورى ناسيبا اتايەۆا.
مۇنان سوڭ وبلىس اكىمى تۇركىستان قالاسىنا قاراستى شاعا اۋىلدىق وكرۋگىندەگى جىل باسىندا ىسكە قوسىلعان «ەراسىل» شارۋا قوجالىعىنىڭ جىلىجايىندا بولدى. ەرعالي جولداسبەكوۆ باسشىلىق جاسايتىن جىلىجاي كولەمى 0،35 گەكتاردى قۇرايدى. كورەيالىق قۇرىلعىمەن جابدىقتالعان جىلىجايدىڭ سمەتالىق قۇنى 70 ملن. تەڭگە. بۇگىندە مۇندا ەگىلگەن قياردان 36 توننا جينالىپ وتىر. نەگىزگى قۋاتتىلىققا جەتكەن كەزدە بۇل جىلىجايدان گەكتارىنا 150 توننا ءونىم الۋعا بولادى.
ايتا كەتەيىك، بۇگىندە تۇركىستان قالاسىندا جىلىجايلاردىڭ جالپى كولەمى 50،6 گەكتاردى قۇرايدى. ونىڭ ىشىندە ونەركاسىپتىك جىلىجايلار 10،5 گەكتار. 2016 جىلى جىلىجايلاردان كوكتەمگى جانە كۇزگى اۋىسىمدا ورتا ەسەپپەن 1040 توننا قىزاناق، 1130 توننا قيار، 90 توننا باسقا دا كوكونىستەر، 200 مىڭ دانا گۇل، بارلىعى 2260 توننا كوكونىس وندىرىلگەن. قازىرگى تاڭدا جەرگىلىكتى جەردەگى جىلىجايلاردا وندىرىلگەن قىزاناقپەن قالا تۇرعىندارى 45، قيارمەن 67 پايىزعا قامتاماسىز ەتىلۋدە.
وبلىس باسشىسى تۇركىستان قالاسىنا قاراستى ورانعاي اۋىلىنداعى ءارىپجان سىزدىقوۆتىڭ «ياسسى قۇس» شارۋا قوجالىعىنا دا اتباسىن بۇردى. سوڭعى ۇلگىدەگى تەحنولوگيالارمەن جابدىقتالعان قۇس شارۋاشىلىعى نەگىزىنەن تاۋىق ەتى مەن جۇمىرتقا وندىرەدى. جوبانىڭ ءبىرىنشى كەزەڭى 2016 جىلى ىسكە قوسىلىپ، 12 مىڭ باس ەتتى باعىتتاعى جانە 22 مىڭ باس جۇمىرتقا باعىتتاعى تاۋىق وسىرىلۋدە. 2016 جىلى جالپى 4،4 ملن. دانا جۇمىرتقا ءوندىرىلىپ، قالا بويىنشا وندىرىلەتىن جۇمىرتقانىڭ 30،4 پايىزىن قۇرادى. جوبانىڭ ەكىنشى كەزەڭى 2017 جىلدىڭ ەكىنشى جارتىجىلدىعىندا پايدالانۋعا بەرىلەدى. جوبانىڭ قۇنى 312 ملن تەڭگەنى قۇراپ، قوسىمشا 22 مىڭ جۇمىرتقا باعىتتاعى تاۋىق ءوسىرىلىپ، جىل سوڭىنا دەيىن 90 توننا تاۋىق ەتى جانە 10،8 ملن. دانا جۇمىرتقا وندىرىلمەك.
– تۇركىستان قالاسىندا اتقارىلىپ جاتقان جۇمىستار از ەمەس. دەسەك تە، كاسىپكەرلىك نىسانداردىڭ قاتارىن ارتتىرىپ، جۇمىسسىزدىقتى ازايتۋ ماسەلەلەرى نازاردان تىس قالماۋى ءتيىس. اۋدان باسشىلارىنىڭ جۇمىسى سوندا عانا ناتيجەلى بولادى، – دەدى جانسەيىت قانسەيىت ۇلى.
ەگەر جوبا تولىق ىسكە اسىرىلسا، فابريكا ونىمدەرى تۇركىستان قالاسىنا سىرتتان كەلەتىن تاۋىق ەتتەرىنىڭ ورنىن الماستىرماق.
وقو اكىمىنىڭ باسپا ءسوز قىزمەتى
