Túrkistan qalasynyń ákimshilik-iskerlik ortalyǵynda úlken jasandy kóli bar jańa qalalyq saiabaqtyń qurylysy júrip jatyr, – dep habarlaidy Dalanews.kz
Bul qala turǵyndary men qonaqtary úshin jaily demalys aimaǵyn qalyptastyrýǵa baǵyttalǵan Túrkistandaǵy iri jobalardyń biri.
Osy rette, qala ákimi Ázimbek Pazylbekuly saiabaq qurylysyn baqylap, sala mamandarymen jáne merdiger mekeme ókilderimen kezdesti. Qurylys barysyndaǵy birqatar kemshilikterdi retke keltirip, ýaqytyly, sapaly oryndaýdy tapsyrdy.
Saiabaqtyń jalpy aýmaǵy - 32 gektardy qurasa, onyń dál ortasynda kólemdi, jasandy kól bolmaq. Saiabaq ishinde jaiaý júrginshiler kópiri, sýburqaqtar, sarqyrama, tamashalaý alańdary, zamanaýi qoǵamdyq tamaqtaný oryndary, arhitektýralyq arkalar men arnaiy oryndyqtar qarastyrylǵan.
Qurylystyń tolyq aiaqtalýy 2025 jylǵa josparlanǵan. Joba kezeń-kezeńimen júzege asyrylýda. Qazirgi tańda negizgi qurylymdar boi kóterip, sońǵy qurylys jumystary júrip jatyr.
