«Nur Otan» partıasy Túrkistan oblystyq fılıaly tóraǵasynyń orynbasary Kalyıma Jantóreeva: «Bul ortalyqta jurtshylyqqa turǵyn úı, kásipkerlik, jumyspen qamtý, densaýlyq saqtaý, zańgerlik kómek jáne memlekettik baǵdarlamasy boıynsha keńes beriledi. Partıanyń baǵdarlamalary boıynsha maǵlumat berilip, eldiń talap-tilegi tyńdalady. Ásirese, jastardyń ózekti máseleleri de nazarda bolady», – dedi.
«Jasotandyqtarǵa» qoldaý kórsetip, arnaıy oryn usynǵan «Qazaqstannyń isker áıelderi asosıasıasy» qoǵamdyq birlestiginiń Túrkistan oblystyq fılıalynyń tóraıymy Inara Namazbaeva partıamen birlesip jumys isteýge daıyn ekenin málimdedi.
«Jas Otan» jastar qanatynyń Túrkistan oblystyq fılıaly tóraǵasynyń mindetin atqarýshy Erdáýlet Ádıat «Jastar – Otanga!» partıalyq jobasy aıasyndaǵy bastamaǵa qoldaý bildirgen janashyr jandarǵa alǵysyn bildirdi. «Keńes ortalyǵynda» halyqqa qyzmet kórsetý, jumyspen qamtý jáne jastar resýrstyq ortalyǵynyń ókilderi, máslıhat depýtattary, kásibı psıhologtar da jastarmen júzdesip turatynyn aıtty.
«Nur Otan» partıasy Túrkistan oblystyq fılıalynyń baspasóz qyzmeti
