Jiyndy «Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev tóraǵalyq etip júrgizdi. Óńirdiń jas depýtattary, jasotandyq belsendiler, memlekettik organdar men jastar uiymdarynyń ókilderi qatysqan otyrysta jastar arasyndaǵy ózekti máseleler men usynystar talqylandy.
Barlyq máslihat depýtattarynyń 20%-y jastar bolýy kerek degen talap qoiǵan «Nur Otan» partiiasynyń tuńǵysh praimerizinde jas býyn óte belsendi boldy. Túrkistan oblysy boĭynsha 1144 úmitker tirkelse, onyń 271-i 35 jasqa deĭingi jastar boldy. Iaǵni, barlyq qatysýshylardyń 26,8% jastar qurady. Búginde oblysymyzdaǵy barlyq máslihatta 35 jasqa deiingi 44 depýtat bar. Sonymen qatar, Túrkistan oblysynda 2021 jyly 68 aýyldyq okrýg ákiminiń sailaýy ótti. Oǵan jalpy sany 190 kandidat katysty, onyń ishinde 35 jasqa deiingi jastar – 43 (22,6%). 68 aýyldyq okrýg boiynsha ákim bolyp sailanǵandardyń 8-i (11,8%) 35 jasqa deiingi jastar bolyp tabylady.
Oblysta jastar saiasatynyń iske asyrylýy jóninde Túrkistan oblystyq qoǵamdyq damý basqarmasynyń bólim basshysy Nurken Aralbekovtiń baiandama jasady.
– Oblystaǵy jastardyń sany 473 110 quraidy. Onyń 82%-y aýyl jastary bolsa, 18%-y qala jastary. Óńirimizde ǵana emes jalpy qoǵamdaǵy ózekti máselelerdiń biri jumyssyzdyq máselesine toqtalsam. Túrkistan oblysynda jumyssyzdar sany 10 694, NEET sanatyndaǵy jastar 35 074 quraidy. 2021 jyly jumyssyzdar úlesin azaitý maqsatynda oblys kóleminde mobildi top qurylyp, 17 aýdan, qaladaǵy jastar kóp shoǵyrlanǵan núktelerge baryp memlekettik baǵdarlamalardy keńinen nasihattaý jumystary júrgizilýde. Nátijesinde bos jumys oryndaryna jumyspen qamtý baǵdarlamalary arqyly 30 290 jas joldandy. Biylǵy jyly da bul jumystar jalǵasady, – dedi N.Aralbekov.
Máselege toqtalǵan B.Tájibaev memlekettik baǵdarlamalardy jastar arasynda nasihattaýdyń mańyzdylyǵyna toqtalyp, jas depýtattarǵa problemalardy ashyq ortaǵa salýǵa shaqyrdy.
– Kóp azamattar «Serpin» baǵdarlamasynyń múmkinshiligin túsine bermeidi. Jas depýttattar óz aimaqtaryndaǵy aýyl-aimaq, eldi mekenderdi aralaǵanda osy máseleni nazarda ustaǵany jón. Sizder mektep bitirýshi túlekterdi qulaqtandyryp, aqparattyq-nasihat jumystaryna belsene atsalysýlaryńyz kerek. Óitkeni bólingen granttar igerilmei qalýda. «Eńbek» baǵdarlamasynyń da tiimdi tustary kóp. Bul baǵytta halyqqa túsindirme jumystaryn júrgizýdiń arqasynda oń nátijelerin kórsetip keledi. Óziniń qabiletin, jumysyn kórsete alatyn jastar halyqqa da, memleketke de kerek. Barlyqtaryńyzda halyqtyń atynan onyń ishinde jastardyń atynan másele kóterýge jáne sheshilýine tikelei atsalysýǵa zań júzinde múmkindik bar, – dedi Beisen Dáýletuly.
Otyrys barysynda «Nur Otan» partiiasy Túrkistan oblystyq filialy janyndaǵy Jastardy qoldaý boiynsha Qoǵamdyq keńestiń jańa tóraǵasy Egemberdieva Dinara tanystyrylyp, keńestiń aldaǵy 1 jyldyq jumysy týraly baiandady. Sonymen qatar «Jas Otan» JQ Túrkistan oblystyq filialynyń tóraǵasy Janserik Juman jastardy qoldaýǵa baǵyttalǵan 2025 jylǵa deiingi «Jastar – Otanǵa!» baǵdarlamasyn tiimdi iske asyrý boiynsha málimetpen bólisti.
Sonymen qatar «QR Prezidentiniń janyndaǵy Memlekettik basqarý akademiiasy» respýblikalyq MQK-nyń Túrkistan oblysy boiynsha filialynyń direktory Ainur Idrisova qatysýshylarǵa qoǵammen bailanys jasaýda óz keńesterimen bólisti.
Jiyndy barysynda kópshiliktiń qoldaýymen Jas depýtattar korpýsynyń jetekshisi bolyp Talǵat Qarjaýov sailandy. Otyrysty qorytyndylaǵan B.Tájibaev talqylanǵan máseleler men usynystardy birlese otyryp júzege asyrýǵa shaqyrdy.
