QR Ulttyq ekonomika vitse-ministri Serik Jumanǵarinniń aitýynsha, gazdy tutynyp otyrǵan 11 óńirdiń 9-ynda tarifter tómendeidi.
Máselen, Almaty obysynda bir tekshe metr gazdyń baǵasy 31,8 teńgeden 26,2 teńgege (17,5 protsentke) túsedi. Al qalanyń ózinde gaz 3,5 teńgege (12 protsent) arzandaidy. Budan bólek, Mańǵystaý oblysynda — 0,3 teńgege (3,3 protsentke), Jambyl oblysynda — 1,5 teńgege (6 protsentke), al Shymkent pen Túrkistan qalalarynda bir tekshe metr gazdyń quny 1,8 teńgege (6 protsentke) tómendeidi.
Osynyń arqasynda tutynýshylar 5 mlrd teńgeni únemdep otyrady.
«Atyraý men Qyzylorda oblystarynda gazdyń baǵasy arzandamaidy. Atalǵan óńirlerde gazdyń baǵasy sol kúiinde qalady. Qazirgi kezde Atyraý oblysynda gazdyń tarifi eń tómen bolyp sanalady. Al Qyzylorda oblysynda gazdandyrý boiynsha barlyq investitsiialyq baǵdarlama oryndaldy. Sondyqtan tarifti tómendetýge rezerv joq», — dedi S.Jumanǵarin Úkimet úiinde ótken baspasóz máslixatynda.
Onyń aitýynsha, kelesi jyly jylý tarifterin tómendetýdiń nátijesinde respýblika boiynsha 6 mlrd teńge únemdeledi. Budan bólek, sýdy burý men sýmen jabdyqtaý salasynda 2 mlrd teńge, al elektrenergiia boiynsha 14 mlrd teńge únemdeýge múmkindik bolady. Jalpy, gazben birge tutynýshylar 27,5 mlrd teńgeni únemdei alady. Aita keteiik, búgin QR Ulttyq ekonomika ministrligi kommýnaldyq tarifterdiń tómendeýine qatysty naqty esepti jariialady. Osy oraidaǵ vitse-ministr S.Jumanǵarin eki bólmeli páter úshin kommýnaldyq tarifterdiń qalaisha ózgeretinin mysalmen kórsetti.
