ق ر ۇلتتىق ەكونوميكا ۆيسە-مينيسترى سەرىك ءجۇمانعاريننىڭ ايتۋىنشا، گازدى تۇتىنىپ وتىرعان 11 ءوڭىردىڭ 9-ىندا تاريفتەر تومەندەيدى.
ماسەلەن، الماتى وبىسىندا ءبىر تەكشە مەتر گازدىڭ باعاسى 31،8 تەڭگەدەن 26،2 تەڭگەگە (17،5 پروسەنتكە) تۇسەدى. ال قالانىڭ وزىندە گاز 3،5 تەڭگەگە (12 پروسەنت) ارزاندايدى. بۇدان بولەك، ماڭعىستاۋ وبلىسىندا — 0،3 تەڭگەگە (3،3 پروسەنتكە)، جامبىل وبلىسىندا — 1،5 تەڭگەگە (6 پروسەنتكە)، ال شىمكەنت پەن تۇركىستان قالالارىندا ءبىر تەكشە مەتر گازدىڭ قۇنى 1،8 تەڭگەگە (6 پروسەنتكە) تومەندەيدى.
وسىنىڭ ارقاسىندا تۇتىنۋشىلار 5 ملرد تەڭگەنى ۇنەمدەپ وتىرادى.
«اتىراۋ مەن قىزىلوردا وبلىستارىندا گازدىڭ باعاسى ارزاندامايدى. اتالعان وڭىرلەردە گازدىڭ باعاسى سول كۇيىندە قالادى. قازىرگى كەزدە اتىراۋ وبلىسىندا گازدىڭ ءتاريفى ەڭ تومەن بولىپ سانالادى. ال قىزىلوردا وبلىسىندا گازداندىرۋ بويىنشا بارلىق ينۆەستيسيالىق باعدارلاما ورىندالدى. سوندىقتان ءتاريفتى تومەندەتۋگە رەزەرۆ جوق»، — دەدى س.جۇمانعارين ۇكىمەت ۇيىندە وتكەن باسپا ءسوز ءماسليxاتىندا.
ونىڭ ايتۋىنشا، كەلەسى جىلى جىلۋ تاريفتەرىن تومەندەتۋدىڭ ناتيجەسىندە رەسپۋبليكا بويىنشا 6 ملرد تەڭگە ۇنەمدەلەدى. بۇدان بولەك، سۋدى بۇرۋ مەن سۋمەن جابدىقتاۋ سالاسىندا 2 ملرد تەڭگە، ال ەلەكترەنەرگيا بويىنشا 14 ملرد تەڭگە ۇنەمدەۋگە مۇمكىندىك بولادى. جالپى، گازبەن بىرگە تۇتىنۋشىلار 27،5 ملرد تەڭگەنى ۇنەمدەي الادى. ايتا كەتەيىك، بۇگىن ق ر ۇلتتىق ەكونوميكا مينيسترلىگى كوممۋنالدىق تاريفتەردىڭ تومەندەۋىنە قاتىستى ناقتى ەسەپتى جاريالادى. وسى ورايداع ۆيسە-مينيستر س.جۇمانعارين ەكى بولمەلى پاتەر ءۇشىن كوممۋنالدىق تاريفتەردىڭ قالايشا وزگەرەتىنىن مىسالمەن كورسەتتى.
