Túrkistanda bir top adamnyń birneshe ýchaskede daýys bergen videosy tarady, dep habarlaidy Dalanews.kz.
Túrkistan qalasynyń turǵyny Nesibeli Hairýllaqyzy birneshe adamnyń ártúrli sailaý ýchaskelerine baryp daýys bergenin málimdedi.
Onyń aitýynsha, bir top adam birneshe ýchaskeni aralap, daýys berýge tyrysqan.
«Bir adam tek bir ǵana sailaý ýchaskesinde daýys berýi kerek. Al bular úsh ýchaskege kirip, karýsel jasap júr. Bul - naǵyz qylmys», - deidi qala turǵyny jariialaǵan videoda.
Keiin belsendi Qural Seiithanuly Facebook paraqshasynda Nesibeli Hairýllaqyzyn politsiia qyzmetkerleri mazalap jatqanyn jazdy.
Qazirgi ýaqytta Túrkistan oblystyq politsiiasy bul jaǵdaiǵa qatysty resmi túsinikteme bergen joq.
Bul jaǵdaiǵa qatysty ázirge tek "Jolaýshy" JShS direktory Rahymjan Erkinov pikir bildirdi.
"Anyqtalǵany, qoǵamdyq tasymal qyzmetin negizinen jeke kásipkerler júzege asyrady. Osy referendýmda oblys ortalyǵy Túrkistan qalasynda jeke tasymaldaýshy kompaniia óz erkimen qoldaý bildirip, qala turǵyndarynyń daýys berý ýchaskelerine barýyna qolaily jaǵdai jasaý maqsatynda avtobýstaryn tegin usynǵan. Aita ketý kerek, referendým kúni azamattardy tasymaldaý zańǵa qaishy emes. Bul turǵyndardyń óz konstitýtsiialyq quqyǵyn júzege asyrýyna qolaily jaǵdai jasaýǵa baǵyttalǵan uiymdastyrýshylyq sharalardyń biri. Sonymen qatar, daýys berý – ár azamattyń erikti tańdaýy. Jariialanǵan aqparat shyndyqqa janaspaityndyǵyn habarlaimyz", - deidi Erkinov.
