Túrkistanda "Amanat" azamattyq alańynyń seminar-keńesi ótti
Baspasóz máslihatynan keiin «Jastar resýrstyq ortalyǵynda» aýdan, qalalardan kelgen mobildi kapitandardyń qatysýmen seminar-trening ótti. Seminardy tehnika ǵylymdarynyń doktory, respýblikalyq «Amanat» azamattyq platformasynyń shtab múshesi Dýambekov Musaǵali júrgizip otyrdy. Ol aýdandar men qalalarǵa bekitilgen mobilddi kapitandardyń jumys baǵyttaryn aityp, sailaý úshin qajetti jaǵdai jasaýdyń bes negizgi baǵytyn túsindirdi. Sailaý bólimshelerine bekitilgen baqylaýshylardyń quqyqtary men júktelgen mindetterin túsindirý, olardyń jumysyn qadaǵalaýǵa basshylyq jasaý boiynsha dárister ótti. Sonymen qatar sailaý kúni sailaýshylardyń daýys berýi kezinde zańsyzdyqtar men keleńsizdikterge jol bermeýdiń aldyn-alý sharalary da túsindirildi. Barlyq qatysýshylarǵa «Baqylaýshy bloknoty» taratylyp berildi.
Sondai-aq kelesi májilis zalynda oblys jastarymen de seminar-treninig ótkizildi. Seminardy respýblikalyq «Amanat» azamattyq platformasynyń shtab basshysy Lima Dias júrgizdi. Ol onlain zańgerlik keńes berý qyzmetin qurý jáne alǵash ret daýys beretin jas sailaýshylardyń quqyqtary men mindetteri jóninde baiandady. Túrkistan oblysynyń barlyq óńirlerinen jinalǵan jastar sailaý jóninde kókeilerinde júrgen suraqtaryna jaýap alyp, moderatormen pikir almasty.
Elimizde sailaý barysyna qoǵamdyq monitoring júrgizý maqsatynda qurylǵan «Amanat» azamattyq alańy 22 sáýirden óz jumysyn bastaǵany belgili. 29 sáýirde "Amanat" azamattyq platformasynyń Túrkistan oblystyq ókildigi alǵashqy jiynyn ótkizdi. Búginde qoǵamdyq uiymdar men BAQ ókilderi, jastar, sarapshylar, azamattyq belsendilerdiń shoǵyrlanǵan táýelsiz erikti birlestigi jemisti jumys atqaryp keledi.
Túrkistan oblysynyń Óńirlik kommýnikatsiialar qyzmeti
