Búgin Túrkistandaǵy «Dostyq úii» ǵimaratynda oblystyq Qazaqstan halqy Assambleiasy janyndaǵy Analar keńesiniń josparyna sáikes, "Salaýatty sana" jobasy aiasynda uly aqyn, oishyl Abai Qunanbaiulynyń 180 jyldyǵyna orai "Bes nárseden qashyq bol" taqyrybynda is-shara ótti,- dep habarlaidy Dalanews.kz
Jiynǵa Túrkistan oblystyq Qazaqstan halqy Assambleiasy janyndaǵy Analar keńesiniń tóraiymy Gúlsara Toqqulova moderatorlyq etti.
Is-sharaǵa oblystyq QHA janyndaǵy qurylymdardyń tóraǵalary men músheleri, etnomádeni birlestikterdiń tóraǵalary men belsendi músheleri, Analar keńesteriniń tóraiymdary men músheleri, «Assambleia jastary» RQB-niń Túrkistan oblystyq ókildiginiń músheleri, «Qoǵamdyq kelisim» KMM-niń qyzmetkerleri qatysty.
Salaýatty sana – QR Prezidentiniń Qazaqstan halqy Assambleiasynyń 33 sessiiasynda sóilegen sózi negizindegi qaýipsiz ómir súrý úshin arylý kerek áleýmettik keseldermen kúresý týraly bergen tapsyrmasy negizindegi Qazaqstan halqy Assambleiasynyń Analar keńesi men QHA Hatshylyǵy jasaqtaǵan jobasy. Iaǵni, nashaqorlyq, qumarpazdyq (lýdomaniia), turmystyq zorlyq-zombylyq, vandalizm jáne ysyrapshyldyq siiaqty áleýmettik keseldermen kúresýge baǵyttalǵan joba.
Is-sharada sóz alǵan Túrkistan oblysy qoǵamdyq damý basqarmasy «Qoǵamdyq kelisim» KMM-i basshysynyń orynbasary Ernazar Baetov qaterli keseldermen kúreste Qazaqstan halqy Assambleiasyna airyqsha mindet júktelip otyrǵanyn atap ótti.
«Jastar – el bolashaǵy. Nashaqorlyq, lýdomaniia, turmystyq zorlyq-zombylyqtyń aldyn alý úshin jastar tárbieli, saýatty bolýy kerek. Bilim-ǵylymmen ainalysqan jastyń joǵaryda atap ótken ziiandy árekettermen isi bolmaidy. Kóp bolyp, qoǵamnyń aýyr dertterimen kúresý arqyly ǵana oń nátijege qol jetkizemiz», - dedi «Qoǵamdyq kelisim» KMM-i basshysynyń orynbasary.
Taǵylymy mol jiynda Túrkistan qalasy, Atatúrik atyndaǵy №17 Jalpy orta mektebiniń direktory Rahila Úrimova, oblystyq Farab ámbebap ǵylymi kitaphanasynyń ekinshi dárejeli kitaphanashysy Meiramkúl Baitursynova syndy ózge de tulǵalar taqyrypqa bailanysty pikirlerimen bólisti.
Basqosý ary qarai suraq-jaýap túrinde órbip, jiynǵa qatysýshylar ózekti máseleler tóńireginde ózara pikir almasyp, oilaryn ortaǵa saldy.
Is-shara barysynda «Assambleia jastary» RQB-niń Túrkistan oblystyq ókildiginiń músheleri men shahardaǵy belsendi oqýshylar Abaidyń qara sózderin jatqa aityp, ánderin birge shyrqady.
Jiyn sońynda is-sharaǵa belsene qatysqan birqatar azamattar "Qoǵamdyq kelisim" KMM-niń basshysy atynan Alǵys hattarmen marapattaldy.
