Túrkistanda 500 talapkerge bilim granty tabystaldy
Biyl atalǵan oqý ornyna Túrkiia Respýblikasynan 500 grant bólingen. Bul Ulttyq biryńǵai testileý men keshendi testten joǵary upai jinap, Qazaqstannyń grantyna ilige almaǵan talapkerlerge tegin bilim alýǵa berilgen múmkindik.
Bilimdi jastarǵa Túrkiia grantyn úlestirgen oqý orny daryndy talapkerlerge basymdyq berip otyr. Áleýmettik qoldaý kórsetýge baǵyttalǵan bilim sertifikattary halyqaralyq jáne respýblikalyq pándik olimpiadanyń 34 jeńimpazyna, Álem, Aziia, respýblika deńgeiinde júldeger atanǵan 10 sportshyǵa, sondai-aq, ata-ana qamqorlyǵynsyz qalǵan 10 talapkerge berildi. Olardyń qatarynda E.Baltabaev, Á. Bibarys, Á.Mádi, D.Raimova, M. Kemelbek sekildi bolashaǵynan zor úmit kúttirgen sportshylar men «Aqberen», «Ata-jurt», «Iasaýi», «Dintaný» halyqaralyq jáne respýblikalyq pán olimpiadalary men músháiralarynyń jeńimpazdary bar. Al qalǵan bilim granttary UBT men keshendi testten joǵary upai jinap, alaida memlekettik grantqa ilige almaǵan bilimdi jastarǵa úlestirildi.
Sondai-aq, ýniversitet túlekteri N.Kókenov, E.Shalanov jáne E.Jaqypov syndy azamattardyń atynan materialdyq az qamtamasyz etilgen stýdentterge 300 myń teńgeniń sertifikattary tartý etildi.
Aita keterligi, Ahmet Iasaýi ýniversiteti óńir halqynyń áleýmettik jaǵdaiyn eskere otyryp, biyldan bastap oqý tólemaqysyn tómendetip otyr.
Túrkistan oblysy ákiminiń baspasóz qyzmeti
