Túrkistan qalasynda búginde 400 gektar jerge jaiǵasqan 11 saiabaq, 5 jasyl aimaq, 25 alleia men gúlzar jáne 29 kóshe bar. Ár saiabaq kreativti ári erekshe, qaitalasbas úlgide salynǵan.
Aitalyq, Sattarhanov kóshesiniń boiyndaǵy «Jelilik saiabaqtyń» jer kólemi 20 gektardan asady. Saiabaqta 5 myńǵa jýyq aǵash, 25 myńǵa jýyq jasyl buta egilip, jasandy toǵan ornatylǵan. Myńnan astam shammen jaryqtandyrylyp, sýburqaq, oryndyqtar, 2 myńnan astam kishi arhitektýralyq forma qoiylǵan.
Jalpy aýmaǵy 5 gektar jerde ornalasqan N.Nazarbaev atyndaǵy jaiaý júrginshiler alleiasy
n abattandyrý jumystary aiaqtalýǵa taiaý. Demalys aýmaǵy jaryqtandyrylyp, kópjyldyq jáne gúldi aǵashtar egilgen.
«Áziret Sultan» qoryq – murajaiynynyń aýmaǵy abattandyrylyp, jaryq shamdar ornatyldy. 20 gektar jerde ornalasqan aýmaqqa gazon tóselip, aǵashtar otyrǵyzyldy. Sýarý júieleri júrgizilip, jolaiaqtar tóseldi.
Jańa demalys orny erekshe dizainda jasalǵan shamdarmen jaryqtandyryldy. Sýburqaqtar salynyp, shaǵyn sáýlettik músinder ornatyldy. Saiabaqta birneshe oiyn alańshalary salyndy.
