تۇركىستان قالاسىندا بۇگىندە 400 گەكتار جەرگە جايعاسقان 11 ساياباق، 5 جاسىل ايماق، 25 اللەيا مەن گۇلزار جانە 29 كوشە بار. ءار ساياباق كرەاتيۆتى ءارى ەرەكشە، قايتالاسباس ۇلگىدە سالىنعان.
ايتالىق، ساتتارحانوۆ كوشەسىنىڭ بويىنداعى «جەلىلىك ساياباقتىڭ» جەر كولەمى 20 گەكتاردان اسادى. ساياباقتا 5 مىڭعا جۋىق اعاش، 25 مىڭعا جۋىق جاسىل بۇتا ەگىلىپ، جاساندى توعان ورناتىلعان. مىڭنان استام شاممەن جارىقتاندىرىلىپ، سۋبۇرقاق، ورىندىقتار، 2 مىڭنان استام كىشى ارحيتەكتۋرالىق فورما قويىلعان.
جالپى اۋماعى 5 گەكتار جەردە ورنالاسقان ن.نازاربايەۆ اتىنداعى جاياۋ جۇرگىنشىلەر اللەياسى
ن اباتتاندىرۋ جۇمىستارى اياقتالۋعا تاياۋ. دەمالىس اۋماعى جارىقتاندىرىلىپ، كوپجىلدىق جانە گۇلدى اعاشتار ەگىلگەن.
«ازىرەت سۇلتان» قورىق – مۇراجايىنىنىڭ اۋماعى اباتتاندىرىلىپ، جارىق شامدار ورناتىلدى. 20 گەكتار جەردە ورنالاسقان اۋماققا گازون توسەلىپ، اعاشتار وتىرعىزىلدى. سۋارۋ جۇيەلەرى جۇرگىزىلىپ، جولاياقتار توسەلدى.
جالپى اۋماعى 38 گەكتاردى قۇرايتىن «تۇڭعىش پرەزيدەنت ساياباعىندا» سىيىمدىلىعى 100 تەكشە مەتر بولاتىن جاساندى ارال پايدا بولدى. ول ءۇشىن سۋ ۇڭعىماسى مەن رەزەرۆۋار سالىنعان. 10 مىڭعا جۋىق اعاش وتىرعىزىلىپ، جولدار توسەلدى.
جاڭا دەمالىس ورنى ەرەكشە ديزايندا جاسالعان شامدارمەن جارىقتاندىرىلدى. سۋبۇرقاقتار سالىنىپ، شاعىن ساۋلەتتىك مۇسىندەر ورناتىلدى. ساياباقتا بىرنەشە ويىن الاڭشالارى سالىندى.
بۇگىندە «نۇر-سۇلتان» الاڭى، «جىبەك جولى» ساياباعى، «دەدروساياباق»، ياسسى كوشەسىندەگى «جەلىلىك ساياباقتىڭ» قۇرىلىسى اياقتالىپ، اباتتاندىرۋ جۇمىستارى جۇرگىزىلۋدە.
