1 qyrkúıek Bilim kúnine oraı Oqýshylar Saraıynda «Meıirimdilik» aksıasy uıymdastyryldy. Sharanyń negizi maqsaty – kópbalaly jáne áleýmettik jaǵdaıy tómen otbasynda tárbıelenip jatqan balalarǵa qoldaý bildirý jáne bilimge degen qushtarlyqtaryn oıatý, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Aksıa aıasynda Oqýshylar saraıynyń ujymy mektepke qajetti qural-saımandar salynǵan arnaıy sómke daıyndaǵan. Ony qaladaǵy 100 shaqty kópbalaly otbasyna tabystady.

Sharaǵa arnaıy qatysqan Túrkistan oblysynyń adamı áleýetti damytý basqarmasynyń basshysy Raqymbek Jolaev sóz alyp, balalardy kópten kútken merekemen quttyqtady. Sondaı-aq izgi sharaǵa muryndyq bolyp otyrǵan Oqýshylar saraıynyń dırektory Indıra Sarqytqyzyna alǵys bildirdi.

Abaıdyń on tórtinshi qara sózine júginetin bolsaq, «Naǵyz júrek isi raqymdylyq, meıirbandylyq jáne ár túrli iste adam balasynyń bárin ózine tartyp, baýyrym dep, ózine oılaǵandaı olarǵa da bolsa ıgi edi» dep jazǵanyndaı mundaı sharalar kómekpen qatar, bala boıyndaǵy izgilikti arttyrýǵa da áser etetini sózsiz.