اكسيا اياسىندا وقۋشىلار سارايىنىڭ ۇجىمى مەكتەپكە قاجەتتى قۇرال-سايماندار سالىنعان ارنايى سومكە دايىنداعان. ونى قالاداعى 100 شاقتى كوپبالالى وتباسىنا تابىستادى.
شاراعا ارنايى قاتىسقان تۇركىستان وبلىسىنىڭ ادامي الەۋەتتى دامىتۋ باسقارماسىنىڭ باسشىسى راقىمبەك جولايەۆ ءسوز الىپ، بالالاردى كوپتەن كۇتكەن مەرەكەمەن قۇتتىقتادى. سونداي-اق ىزگى شاراعا مۇرىندىق بولىپ وتىرعان وقۋشىلار سارايىنىڭ ديرەكتورى ينديرا سارقىتقىزىنا العىس ءبىلدىردى.
ابايدىڭ ون ءتورتىنشى قارا سوزىنە جۇگىنەتىن بولساق، «ناعىز جۇرەك ءىسى راقىمدىلىق، مەيىرباندىلىق جانە ءار ءتۇرلى ىستە ادام بالاسىنىڭ ءبارىن وزىنە تارتىپ، باۋىرىم دەپ، وزىنە ويلاعانداي ولارعا دا بولسا يگى ەدى» دەپ جازعانىنداي مۇنداي شارالار كومەكپەن قاتار، بالا بويىنداعى ىزگىلىكتى ارتتىرۋعا دا اسەر ەتەتىنى ءسوزسىز.
