Osyny eskersek, «Túrkistan – Túrki áleminiń mádeni astanasy» jyly Elbasynyń rýhani jańǵyrý jónindegi bastamasymen úilesip, Máńgilik El murattarymen úndesip keldi. Túrkistan – túrki qaǵanattarynyń týy tigilgen Orda. Túrkistan – túrki halyqtarynyń orasan zor oǵlandary aq kiizde han kóterilgen qasietti jer.
TÚRKSOI uiymy aldaǵy ýaqytta da túrli qalalardy Túrki áleminiń mádeni astanasy etip jariialai otyryp, týysqan halyqtar arasyndaǵy osynaý bailanystardy odan ári tereńdete túseri shúbásiz. Túbi bir túrki túgel bolsa, bizdiń alar asýlarymyz ben baǵyndyrar biikterimiz kóp bolmaq! – dedi Janseiit Qanseiituly.
Sondai-aq, jiynda TÚRKSOI Halyqaralyq uiymynyń Bas hatshysy Dúisen Qaseiinov, Q.A.Iasaýi atyndaǵy HQTÝ Ókiletti keńesiniń tóraǵasy Musa Iyldyz, Q.A.Iasaýi atyndaǵy HQTÝ rektory Bolatbek Ábdirasilov syndy ǵalymdar uiymnyń mańyzdylyǵy haqynda baiandama jasady.
Aita keterligi, saltanatty sharada Túrkistan oblysynyń ákimi Janseiit Túimebaev TÚRKSOI Halyqaralyq uiymynyń «Qurmet» ordenimen marapattaldy.
Sonymen qatar, Túrkistan oblysynyń ákimdigi men «TÚRKSOI» Halyqaralyq uiymy arasynda mádeniet salasyndaǵy yntymaqtastyq jónindegi ózara túsinistik týraly memorandýmǵa qol qoiý rásimi ótti. Jiyn kontserttik baǵdarlamamen qorytyndylandy.
Túrkistan oblysynyń baspasóz qyzmeti
