Túrkistan qalai túrlenedi?
Bul týraly QR Ulttyq ekonomika birinshi vitse-ministri Rýslan Dálenov málimdedi.
Onyń aitýynsha, qazirgi ýaqytta bas jospar ázirlenýde jáne tiisti konkýrstar ótkizilip jatyr. Josparda qalany damytýdyń baǵyttary aiqyndalatyn bolady.
"Onyń ishinde kólik, infraqurylym, qurylys, tarihi nysandardy qorǵaý, sondai-aq basqa da baǵyttar qamtylǵan. Budan basqa, 2024 jylǵa deiin Túrkistan oblysyn damytý boiynsha arnaiy keshendi jospar ázirlenip jatyr. Jospar óte úlken ári aýqymdy, onda 115 is-shara bar. Sonyń arasynda kásipkerlikti damytý, aýyl sharýashylyǵyn, qurylys, týrzimdi, TKSh-ny damytý boiynsha baǵyttar bar. Jalpy qarajat 870 mlrd teńge, onyń 400 mlrd teńgesi respýblikalyq biýdjetten, 29 mlrd teńge jergilikti biýdjetten, al qalǵany jeke investitsiialar esebinen bolady. Osy keshendi jospar jyldyń sońyna deiin qabyldanbaq. Jalpy, Túrkistan qalasy men oblysty damytý úshin júieli josparlar bar. Sáikesinshe, tiisti qarjylandyrý kózdelgen», — dedi bul oraida R. Dálenov depýtattar saýalyna jaýap bere otyryp.
Sonymen qatar, jalpy otyrysta palata depýtattary «Qazaqstan Respýblikasynyń keibir zańnamalyq aktilerine Qazaqstan Respýblikasynyń ákimshilik-aýmaqtyq qurylysy máseleleri boiynsha ózgerister men tolyqtyrýlar engizý týraly» zań jobasyn da birinshi oqylymda maquldady.
