Búginde Túrkistandaǵy indýstrialdy aimaqta túrli jobalar júzege asyrylyp jatyr. 2018 jyldyń qańtar-naýryz aiynda indýstrialdy aimaqtaǵy kásiporyndardyń óndirgen ónim kólemi 343,3 mln. teńgeni quraǵan. Aǵymdaǵy jyldyń 3 aiynda ónerkásip ónim kólemi 4 331,2 mln teńge bolyp otyr. Máselen, indýstrialdy aimaqta ornalasqan jihaz fabrikasynda kún saiyn as bólmege jáne jatyn bólmege qajetti 100 garnitýr shyǵarylady. Al, jylyna 30-35 myń garnitýr shyǵarýǵa múmkindik bar. Aldaǵy ýaqytta mundai kásiporyndar sany kóbeiedi.
Túrkistan qalasynyń ákimi Álipbek Óserbaevtyń aitýynsha, shaharda óndiristi damytý baǵytynda jospar túzilip, aýqymdy jumystar atqarylmaq. Oblys ortalyǵyndaǵy indýstrialdy aimaq aýmaǵy 300 gektarǵa ulǵaiyp, onda zaman talabyna sai zaýyttar men fabrikalar salynady dep kútilýde. Qazirgi tańda shetelden investor tartý jumystary júielenip jatyr.
Túrkistan oblysy ákiminiń baspasóz qyzmeti
