Memleket basshysy Qasym-Jomart Toqaev «Túrkistan qalasynyń erekshe mártebesi týraly» Qazaqstan Respýblikasynyń Zańyna qol qoidy. Osyǵan orai oblys ákiminiń birinshi orynbasary Zulpyhar Joldasov Zańdaǵy bastamalardy óńirde júzege asyrý maqsatynda tiisti sala ókilderimen kezdesý ótkizdi,- dep habarlaidy Dalanews.kz
Kezdesýde Túrkistandy damytý baǵytyndaǵy jumystardy jańǵyrtý talqylandy.
Basqosýda Zulpyhar Sansyzbaiuly Zańnyń mańyzdylyǵyna toqtalyp, Qoja Ahmet Iasaýi kesenesi men basqa da eskertkishterdi qorǵaý, arheologiialyq jáne ǵylymi-restavratsiialyq jumystardy retteý, týrizmdi damytý, qalanyń áleýetin kóterý joldaryn atap ótti. Sonymen qatar múgedektigi bar adamdarǵa qoljetimdi infraqurylym jáne inkliýzivti týrizm qurý, sondai-aq qalanyń jeke dizain kody engiziletindigi aityldy.
Sala ókilderimen birge tarihi-mádeni eskertkishterdi aralap, jumystarymen tanysty. Qoja Ahmet Iasaýi murajaiyn qundy eksponattarmen tolyqtyryp, ǵimarat syrtyndaǵy zańsyz saýdalardy retke keltirýdi tapsyrdy. Sondai-aq qalaǵa kelgen týrister úshin QR-kody bar arnaiy kartalar engizilý josparlanýda. Týrister úshin qyzmet kórsetetin «Vizit ortalyǵynda» bolyp, ortalyqtyń jumysymen tanysty.
Aita keteiik, «Vizit ortalyǵyndaǵy» gidtterdiń biliktiligin arttyrý maqsatynda mamandardy halyqaralyq tájiribe almasýǵa jiberý kózdelýde. Qalanyń týrizmin damytý baǵytynda mýzeilerdiń jumystary kúsheitiledi.
