Onyń 18-i para alý deregimen jaýapkershilikke tartylsa, 4-eýi alaiaqtyqqa jol bergen.
Degenmen, sońǵy jyldary jergiliki atqarýshy organ qyzmetkerlerine qatysty sybailas jemqorlyq faktileri tómendep keledi. Máselen, 2016 jyly 44 oqiǵa tirkelse, 2017 jyly 40 oqiǵa tirkelgen.
Sybailas jemqorlyqqa bailanysty qylmystardyń basym bóligi Saryaǵash, Sairam jáne burynǵy Maqtaaral aýdanyna tiesili.
Aýdan ákimi apparaty qyzmetkerlerine qatysty 7 oqiǵa tirkelse, ákimderdiń ústinen sybailas jemqorlyqqa bailanysty 6 derek anyqtalǵan.
Atqarylǵan jumystarǵa qaramastan ásirese, bilim salasynda jemqorlyq derekteri jii kezdesip jatyr. Oblystyq bilim basqarmasy basshysynyń orynbasary A.Sadyqovanyń aitýynsha, óńirde korrýptsiianyń aldyn alý úshin basqarma tarapynan birqatar qyzmetterdi tsifrlandyrý sharalary qolǵa alynǵan. Máselen, mektepke deiingi bilim berý uialaryna joldama berý jáne kezekke qoiý avtomattandyrylyp, 12 myńnan astam bala balabaqshaǵa ornalasqan. Iaǵni, adami faktor azaiyp, ótinishter elektrondy túrde rettelgen. 902 orta mektep mektep.sitcen.kz júiesine qosylyp, oqýshylar osy arqyly mektepke qabyldanyp jatyr
Óz kezeginde óńir basshysy J.Túimebaev qaramaǵyndaǵy qyzmetkerlerge qarata elge shynaiy otanshyldyq sezimmen adal qyzmet etý kerektigin árdaiym aityp otyrady.
«Memlekettik mekemeler ashyq ári elge jaqyn bolyp, sapaly qyzmet kórsetsin. Sybailas jemqorlyq faktileri tirkelgen ári osy indetke qarsy tiisti dárejede qadaǵalaý júrgizbegen laýazymdy qyzmetkerlerdiń máselesi qatań qaralatyn bolady» deidi ol.
