Bul týraly brifingte Túrkistan oblysy bilim basqarmasy basshysynyń mindetin atqarýshy Jandos Mahanbetov málimdedi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynda 2024-2025 oqý jylynda orta bilim berý uiymdarynyń sany 1 060-qa artqan. Búginde óńirde 530 myń oqýshy bolsa, onyń 52 593-y biyl 1-synypqa qabyldanady.
– Jalpy Túrkistan oblysynda 121 mektep kúrdeli jóńdeý jumystaryn qajet etedi. Búginde 66 mekteptiń jobalyq smetalyq qujaty daiyn. Biyl 22 mekteptiń kúrdeli jóndeý jumystary bastalyp, 5 mektep 2024 jyldyń 1-qyrkúieginde paidalanýǵa berilmek.
Óńirde «Jaily mektep» bilim berý salasyndaǵy pilottyq ulttyq jobasy» aiasynda 2023-2025 jyldary aralyǵynda 49 myń oryndyq 63 mektep salý josparlanǵan. Al 2024 jyly 22 900 oryndyq 29 mektep qoldanysqa beriledi.
Spikerdiń sózinshe 2024 jylǵy «Mektepke jol» aktsiiasy aiasynda memlekettik bilim berý uiymdarynda bilim alatyn áleýmettik osal top otbasynan shyqqan 60 693 balaǵa memlekettik qoldaý kórsetiledi.
Ár balanyń mektep formasyna 43 407 teńge berilgen. Sondai-aq, «AMANAT» partiiasynyń Túrkistan oblysynyń filialy ádeýmettik osal top otbasydan shyqqan 16 balaǵa mektep formasymen qosa oqý quraldaryn alyp bergen. Odan bólek, qoǵamdyq uiym ókili «Dáýletten» JShS-i tarapynan jańa oqý jylynda 1 synypqa keletin 50 oqýshyǵa kómek berýge usynys bildirip, tizimi joldanǵan.
