Túrkistan oblysynyń Otyrar aýdanynda áiel tórt balasymen birge iz-túzsiz joǵalyp ketken. Bul týraly jýrnalist Gúlmira Ábiqai Instagram paraqshasynda jazdy, dep habarlaidy dalanews.kz.
Týystarynyń aitýynsha, 6 shildege qaraǵan túni Uldananyń jaǵdaiyn bilýge kelgen anasy men enesi úiden áieldi de, balalardy da tappaǵan. Onyń kúieýi sol ýaqytta vahtalyq jumysta bolǵan.
Jaqyndary bastapqyda áiel balalarymen tanystarynyń úiine ketken shyǵar dep oilap, kelesi kúnge deiin kútken. Alaida habar bolmaǵan soń politsiiaǵa aryz bergen.
"Eshkimge ziiany joq. Ańqaýlyǵyn paidalanyp, bireýler aldap ketti me dep alańdaimyz", – degen týystary.
Gúlmira Ábiqai bes adamnyń birneshe kún boiy tabylmaýyna alańdaýshylyq bildirip, politsiiany izdeý jumystaryn kúsheitýge shaqyrdy.
"Tórt balasymen júrgen áiel kópshiliktiń kózine birden túsýi kerek edi. Alaida alty kúnnen beri olardy kórgenin aitqan adam joq. Barlyǵy aman bolsa eken", – dep jazdy ol.
