QR Eńbek jáne halyqty áleýmettik qorǵaý ministrliginiń uiymdastyrýymen 8,9,10 sáýir kúnderi Túrkistan oblysynyń halyq tyǵyz ornalasqan Jetisai, Sairam aýdandary men Túrkistan qalasynda Soltústik óńirlerge «Qonys aýdarý» jármeńkesi ótedi, dep habarlaidy Dalanews.kz
Jármeńkede Shyǵys Qazaqstan, Soltústik Qazaqstan, Abai, Qaraǵandy, Pavlodar, Qostanai, Ulytaý oblystarynan kelgen iri jumys berýshiler turaqty jumys oryndaryn usynyp, aqparat beredi.
Qonys aýdarýshylarǵa memleket tarapynan qarjylai qoldaý kórsetiledi. Sonymen qatar baǵdarlamaǵa qatysýshylar atalǵan óńirlerde tegin baspanamen qamtylady. Is-sharada elimizdiń 7 óńiri Túrkistan oblysynyń turǵyndaryna 10 myńnan astam bos jumys ornyn usynbaq.
Aita keteiik, óńiraralyq is-shara elimizdiń jumys kúshi jetispeitin Soltústik óńirlerge halyqty qonystandyrýǵa baǵyttalǵan. Bul baǵyttaǵy jumystar Túrkistan oblysynda 2015 jyldan beri júrgizilip keledi.
