Túrkistan oblysynda SCAT áýe kompaniiasy uzaq merzimge jalǵa alǵan 4400 gektar aýmaqty quraityn ańshylyq alqap memleket menshigine qaitaryldy, dep habarlaidy Dalanews.kz.
Prokýratýra 2019 jyly 13 jeltoqsanda oblys ákimdigi ańshylyq sharýashylyǵyn júrgizý úshin jerdi berý týraly qaýly shyǵarǵanyn anyqtady. Onyń negizinde Tabiǵi resýrstar basqarmasy men "SCAT Airlines" AQ arasynda 4400 gektar ańshylyq alqapty 20 jylǵa jalǵa berý sharty jasalǵan. Kelisimge sáikes, jalǵa alýshy salyq zańnamasynda belgilengen tártippen jer teliminiń aqysyn jedel tóleýge mindetteldi.
"Alaida kelisim jasalǵannan beri "SCAT" áýe kompaniiasy jer telimin paidalanǵany úshin biýdjetke salyq tólemin júrgizbegen", - dep habarlady Túrkistan oblysynyń prokýratýrasy.
Prokýrordyń jaýaby negizinde kelisimshart buzylyp, jer memleket menshigine qaitaryldy.
