Aita keterligi, Túrkistan oblysynyń aýmaǵyndaǵy oblystyq mańyzy bar avtomobil joldarynyń jalpy uzyndyǵy - 4152,34 shaqyrymdy quraidy. Bul joldardyń 1943,3 shaqyrymy - birinshi kezektegi qardan tazalanyp, inertti materialdar sebiletin joldar bolsa, onyń 434 shaqyrymy – taýly aimaqtarda qalyń qar basyp qalý qaýpi joǵary aimaqtar.
Aldaǵy ýaqytta oblystyq mańyzy bar avtomobil joldaryn qysqy merzimde kútip ustaý jumystaryna 300-ge jýyq adam jumyldyrylatyn bolady. Al turaqty tehnikalar sany - 138 birlikti quraidy.
Budan bólek, Báidibek, Sozaq, Túlkibas, Sairam jáne Tólebi aýdandary taýly aimaqtar bolyp sanalǵandyqtan, qar kóp jaýǵan kezeńde qajettiligine qarai atalǵan aýdandarǵa qosymsha kómekke 40-qa jýyq arnaiy tehnika tartylmaq. Barlyq tehnikalar tolyǵymen jumys isteýge daiyn.
Arnaiy tehnikalar janar-jaǵarmai (benzin, dizel) otyndarymen qamtamasyz etilip, 1075 dana «Taiǵaq jol» eskertýshi jol belgileri ornatylǵan. Sondai-aq, mamandar inertti materialdarmen (tuz, qum) 85 paiyz qamtylǵan. Qalǵan bóligi aǵymdaǵy jyldyń qazan aiynyń sońyna deiin tolyǵymen ázirlenetin bolady.
Oblys aýmaǵyndaǵy qardyń basyp qalýy yqtimaldyǵy joǵary Báidibek aýdanynda «Shybyqbel», «Odamanbulaq» jáne Sozaq aýdanynda «Ashysai», «Odamanbulaq-2» jylytý beketteri ornalasqan.
Jylytý beketteri tósek orynmen, 60 tonna kómir otynymen qamtamasyz etilip otyr.
Joǵaryda atalǵan jylytý beketterindegi otyn sol jerdi jyly kúide ustaýǵa tolyq jetkilikti. Táýlik boiyna jyly kúide ustaý úshin kezekshi uiymdastyrylǵan. Jylytý beketteriniń bir mezgilde 60-70 adamdy qabyldaýǵa múmkinshiligi bar. Azyq-túlikpen qamtamasyz etý aýdan, qala ákimdikterine zań talaptaryna sáikes júktelgen.
Jiyn qorytyndysy boiynsha aǵymdaǵy jyldyń qarasha aiynyń 1-juldyzyna deiin 2019-2020 jyldary qys mezgilinde oblystyq mańyzy bar avtomobil joldaryn kútip ustaý boiynsha daiyndyq jumystaryn aiaqtaý tapsyryldy.
Túrkistan oblysy Óńirlik kommýnikatsiialar qyzmeti
