ايتا كەتەرلىگى، تۇركىستان وبلىسىنىڭ اۋماعىنداعى وبلىستىق ماڭىزى بار اۆتوموبيل جولدارىنىڭ جالپى ۇزىندىعى - 4152،34 شاقىرىمدى قۇرايدى. بۇل جولداردىڭ 1943،3 شاقىرىمى - ءبىرىنشى كەزەكتەگى قاردان تازالانىپ، ينەرتتى ماتەريالدار سەبىلەتىن جولدار بولسا، ونىڭ 434 شاقىرىمى – تاۋلى ايماقتاردا قالىڭ قار باسىپ قالۋ ءقاۋپى جوعارى ايماقتار.
الداعى ۋاقىتتا وبلىستىق ماڭىزى بار اۆتوموبيل جولدارىن قىسقى مەرزىمدە كۇتىپ ۇستاۋ جۇمىستارىنا 300-گە جۋىق ادام جۇمىلدىرىلاتىن بولادى. ال تۇراقتى تەحنيكالار سانى - 138 بىرلىكتى قۇرايدى.
بۇدان بولەك، بايدىبەك، سوزاق، تۇلكىباس، سايرام جانە تولەبي اۋداندارى تاۋلى ايماقتار بولىپ سانالعاندىقتان، قار كوپ جاۋعان كەزەڭدە قاجەتتىلىگىنە قاراي اتالعان اۋداندارعا قوسىمشا كومەككە 40-قا جۋىق ارنايى تەحنيكا تارتىلماق. بارلىق تەحنيكالار تولىعىمەن جۇمىس ىستەۋگە دايىن.
ارنايى تەحنيكالار جانار-جاعارماي (بەنزين، ديزەل) وتىندارىمەن قامتاماسىز ەتىلىپ، 1075 دانا «تايعاق جول» ەسكەرتۋشى جول بەلگىلەرى ورناتىلعان. سونداي-اق، ماماندار ينەرتتى ماتەريالدارمەن (تۇز، قۇم) 85 پايىز قامتىلعان. قالعان بولىگى اعىمداعى جىلدىڭ قازان ايىنىڭ سوڭىنا دەيىن تولىعىمەن ازىرلەنەتىن بولادى.
وبلىس اۋماعىنداعى قاردىڭ باسىپ قالۋى ىقتيمالدىعى جوعارى بايدىبەك اۋدانىندا «شىبىقبەل»، «ودامانبۇلاق» جانە سوزاق اۋدانىندا «اششىساي»، «ودامانبۇلاق-2» جىلىتۋ بەكەتتەرى ورنالاسقان.
جىلىتۋ بەكەتتەرى توسەك ورىنمەن، 60 توننا كومىر وتىنىمەن قامتاماسىز ەتىلىپ وتىر.
جوعارىدا اتالعان جىلىتۋ بەكەتتەرىندەگى وتىن سول جەردى جىلى كۇيدە ۇستاۋعا تولىق جەتكىلىكتى. تاۋلىك بويىنا جىلى كۇيدە ۇستاۋ ءۇشىن كەزەكشى ۇيىمداستىرىلعان. جىلىتۋ بەكەتتەرىنىڭ ءبىر مەزگىلدە 60-70 ادامدى قابىلداۋعا مۇمكىنشىلىگى بار. ازىق-تۇلىكپەن قامتاماسىز ەتۋ اۋدان، قالا اكىمدىكتەرىنە زاڭ تالاپتارىنا سايكەس جۇكتەلگەن.
جيىن قورىتىندىسى بويىنشا اعىمداعى جىلدىڭ قاراشا ايىنىڭ 1-جۇلدىزىنا دەيىن 2019-2020 جىلدارى قىس مەزگىلىندە وبلىستىق ماڭىزى بار اۆتوموبيل جولدارىن كۇتىپ ۇستاۋ بويىنشا دايىندىق جۇمىستارىن اياقتاۋ تاپسىرىلدى.
تۇركىستان وبلىسى وڭىرلىك كوممۋنيكاسيالار قىزمەتى
