“Az ǵana ýaqyttan keiin Jańa 2023 jyl tabaldyryǵymyzdan attaidy. Bul – barshamyzǵa jaidary kóńil-kúi men zor úmit ákeletin airyqsha sát.
Tarihymyzdyń tórinde eki jyldyń toǵysqan sátinde aitylatyn aq tilektiń orny bólek. Árbir adamzat balasy Jańa jyldan jaqsylyq kútedi. Bul – tabiǵi dúnie. Ótken jylǵa ókpe joq, keler jyldan úmit kóp. El Prezidenti Qasym-Jomart Toqaev qazaqstandyqtardy ótken jylǵy jańa jylmen quttyqtaý barysynda 2022 jyldy «Balalar jyly» dep jariialaǵan bolatyn. Memleket basshysy óz sózinde – urpaqtyń bolashaǵyna basa mán beretindigin, jastarǵa zor úmit artyp, jastarymyz atqarylyp jatqan aýqymdy jumystyń, reformalardyń igiligin mindetti túrde kóretinin jetkizdi. Bul rette Qasym-Jomart Kemeluly balalarǵa erekshe kóńil bólý kerektigin jetkizdi”, – dedi óńir basshysy Darhan Amangeldiuly.
Aita keteiik, aǵymdaǵy jyly densaýlyq saqtaý mekemelerinde 1602 bala arnaiy ońaltý emin, 3892 bala saýyqtyrý emin qabyldaǵan. Respýblikalyq ońaltý ortalyqtarynda 507 balaǵa oryn berilgen. Qala syrtyndaǵy jazǵy saýyqtyrý lagerlerinde áleýmettik jaǵdaiyna bailanysty 22 324 bala biýdjet esebinen tegin demaldy.
Balalar úshin mýzeilerge, kitaphanalar men teatrlarǵa tegin joldamalar berilýde.
Túrkistan oblysy ákiminiń baspasóz qyzmeti
