Osyǵan orai, shekaralyq ótkizý pýnktterinde dezinfektsiialyq jumystar júrgiziledi. Sanitarlyq dárigerler ǵimarattardy tazartady. Bul jumystar shamamen 2 saǵatqa jalǵasady jáne osy ýaqytta ótkizý pýnktteri jabylady. Zalalsyzdandyrý jumystary ár aptanyń sársenbi jáne beisenbi kúnderi júrgizý josparlanǵan. Bul aimaq turǵyndary men qonaqtarynyń qaýipsizdigi úshin jasalynyp otyrǵan shara.
Túrkistan oblysy boiynsha Memlekettik kirister departamentinde 6 shekaralyq keden beketteri bar, atap aitqanda «Qazyǵurt», «Jibek Joly», «Qaplanbek», «Saryaǵash stansasy», «Baýyrjan Qonysbaev» jáne «Atameken». Búgingi tańda barlyq keden beketteri shtattyq rejimde jumys isteýde. Qazir keden tótenshe jaǵdaidyń jańa deńgeii jariialandy.
Sanitarlyq baqylaý táýlik boiy júrgizilýde. Túrkistan oblysyna Qytaidan jáne basqa shet elderden kelgender sanitarlyq epidemiologtar men shekarashylardyń arnaiy baqylaýynan ótedi.
Esterińizge sala keteiik, barlyq keden beketteriniń ótkizý pýnktterinde teplovizorlyq beine-kameralar men qol ólsheýishteri bar infraqyzyl kameralar ornatylǵan. Olar dene temperatýrasy kóterilgen adamdy 15 metr qashyqtyqtan tabýǵa múmkindik beredi. Bul jaǵdaida, júie monitordaǵy shekaralyq ótkizý pýnktterinde ne bolyp jatqanyn qadaǵalaityn mamanǵa dabyl beredi.
Túrkistan oblysynyń Óńirlik kommýnikatsiialar qyzmeti
