Túrkistan oblysynda zańsyz balyq aýlaǵan 171 jaǵdai tirkeldi
– Tabiǵat zańdylyǵyn buzýdyń aldyn alý jáne anyqtaý maqsatynda 78 reid, onyń ishinde quzyrly organdarymen birlesken is-sharalarǵa sáikes 34 reid uiymdastyryldy. 2021 jyldyń basynan Túrkistan oblysy boiynsha balyq inspektsiiasy bólimimen 171 oqiǵa anyqtalyp, 159 ákimshilik hattama toltyrylǵan. Onyń ishinde 2 is sot organdarymen qaralyp kináli tulǵalar ákimshilik jaýapkershilikke tartylǵan. Al 12 is boiynsha qylmystyq is quqyq qorǵaý organdaryna joldanyp, 6 qylmystyq is boiynsha kináli tulǵalar qylmystyq jaýapkershilikke tartyldy, – dedi ol.
Brifingke qatysqan QR IIM Túrkistan oblysy jergilikti politsiia qyzmeti basqarmasynyń inspektory Nurlan Tumabaevtyń aitýynsha, jedel-profilaktikalyq is-sharalary 11 qazannan men 11 qarasha aralyǵynda Túrkistan jáne Qyzylorda oblystarynyń aýmaǵynda ótkizilgen. Reid barysynda 36 balyq qorǵaý zańnamasyn buzýshylyq faktileri anyqtalyp, 35 tulǵa ákimshilik jaýapkershilikke tartylǵan.
Túrkistan oblysy boiynsha balyq inspektsiiasy bóliminiń mamandarymen, Túrkistan oblysynyń politsiia departamentiniń qyzmetkerlerimen 2021 jylǵy 27 qazanda Shardara, Túrkistan, Shymkent qalalarynyń saýda oryndarynda sintetikalyq neilondyq jáne poliamidti-sintetikalyq monojipten jasalǵan aý torlarlardy saýdalaýǵa qarsy úgit-nasihat jumystary uiymdastyrylǵan.
