– تابيعات زاڭدىلىعىن بۇزۋدىڭ الدىن الۋ جانە انىقتاۋ ماقساتىندا 78 رەيد، ونىڭ ىشىندە قۇزىرلى ورگاندارىمەن بىرلەسكەن ءىس-شارالارعا سايكەس 34 رەيد ۇيىمداستىرىلدى. 2021 جىلدىڭ باسىنان تۇركىستان وبلىسى بويىنشا بالىق ينسپەكسياسى بولىمىمەن 171 وقيعا انىقتالىپ، 159 اكىمشىلىك حاتتاما تولتىرىلعان. ونىڭ ىشىندە 2 ءىس سوت ورگاندارىمەن قارالىپ كىنالى تۇلعالار اكىمشىلىك جاۋاپكەرشىلىككە تارتىلعان. ال 12 ءىس بويىنشا قىلمىستىق ءىس قۇقىق قورعاۋ ورگاندارىنا جولدانىپ، 6 قىلمىستىق ءىس بويىنشا كىنالى تۇلعالار قىلمىستىق جاۋاپكەرشىلىككە تارتىلدى، – دەدى ول.
بريفينگكە قاتىسقان ق ر ءىىم تۇركىستان وبلىسى جەرگىلىكتى پوليسيا قىزمەتى باسقارماسىنىڭ ينسپەكتورى نۇرلان تۇمابايەۆتىڭ ايتۋىنشا، جەدەل-پروفيلاكتيكالىق ءىس-شارالارى 11 قازاننان مەن 11 قاراشا ارالىعىندا تۇركىستان جانە قىزىلوردا وبلىستارىنىڭ اۋماعىندا وتكىزىلگەن. رەيد بارىسىندا 36 بالىق قورعاۋ زاڭناماسىن بۇزۋشىلىق فاكتىلەرى انىقتالىپ، 35 تۇلعا اكىمشىلىك جاۋاپكەرشىلىككە تارتىلعان.
تۇركىستان وبلىسى بويىنشا بالىق ينسپەكسياسى ءبولىمىنىڭ ماماندارىمەن، تۇركىستان وبلىسىنىڭ پوليسيا دەپارتامەنتىنىڭ قىزمەتكەرلەرىمەن 2021 جىلعى 27 قازاندا شاردارا، تۇركىستان، شىمكەنت قالالارىنىڭ ساۋدا ورىندارىندا سينتەتيكالىق نەيلوندىق جانە پولياميدتى-سينتەتيكالىق مونوجىپتەن جاسالعان اۋ تورلارلاردى ساۋدالاۋعا قارسى ۇگىت-ناسيحات جۇمىستارى ۇيىمداستىرىلعان.
