Túrkistan oblysyna 10 aida 888,5 mlrd teńge investitsiia tartylǵanyn búgin Ortalyq kommýnikatsiialar qyzmetiniń Túrkistandaǵy kóshpeli baspasóz máslihatynda Túrkistan oblysynyń ákimi Darhan Satybaldy atap ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynda Memleket basshysynyń investitsiia tartý baǵytyndaǵy tapsyrmasyna bailanysty qarqyndy jumys júrip jatyr. Oblysqa jyl basynan 888,5 mlrd teńge investitsiia tartylyp, ótken jyldyń tiisti kezeńimen salystyrǵanda 17,7%-ǵa artty.
Al jyl basynan beri tikelei sheteldik investitsiia kólemi 685 mln AQSh dollaryn qurap, jyldyq jospar 1,5 esege artyǵymen oryndaldy. Bul týraly Bul týraly Ortalyq kommýnikatsiialar qyzmetiniń baspasóz máslihatynda Túrkistan oblysynyń ákimi Darhan Satybaldy baiandady.
– Oblysqa investitsiia tartý jáne tájiribe almasý maqsatynda Qytai, Resei, Aýstraliia, Ózbekstan, Qatar jáne Ońtústik Koreia elderine túrkistandyq kásipkerlerdiń saparyn uiymdastyryp, alpaýyt kompaniialarmen mańyzdy kelissózder júrgizildi. Nátijesinde shetel kapitalynyń qatysýymen jalpy quny 910 mln. AQSh dollaryn quraityn 6 investitsiialyq joba bastaldy. Budan bólek, qazan aiynda Túrkistan qalasyna 127 sheteldik kompaniiany shaqyryp, 301 mlrd. teńge kóleminde 35 memorandýmǵa qol qoiyldy, – dedi Darhan Satybaldy.
Osy kelisim arqyly dron, beinekamera, meditsinalyq jihaz, turmystyq tehnika óndiretin kásiporyndardy ashý jumystary bastaldy. Aimaqta «Ónerkásiptik jyly-jai kesheni», «Aliýminii buiymdaryn shyǵaratyn zaýyt», «Ónerkásiptik tońazytqyshtar shyǵaratyn zaýyt», «Kaýstikalyq soda, pvh, kaltsii karbidi, ák tsement shyǵaratyn zaýyt» jobalary júzege asýda. Sonymen birge fosforit kenderin óńdeý jáne munai óńdeý zaýyttary salynýda.
Aldaǵy ýaqytta túrkistandyq zaýyttar óz elimizdi jáne eksportty túrli ónimmen qamtamasyz etetin bolady. Odan bólek, aldaǵy ýaqytta indýstrialdy aimaqtarda turmystyq tehnika, ósimdik maiy, gaz qondyrǵylary, lift qurastyrý, áskeri palatka, sanfaians, sendvich paneli jáne sýsyndar óndiretin zaýyttar ashylady.
Oblysta enertegika, agroónerkásiptik keshen, óndiris jáne qaita óńdeý, týrizm salalarynda mańyzdy 145 investitsiialyq jobalar pýly daiyndaldy. Atalǵan jobalardy júzege asyrý arqyly 20 myńnan astam jańa jumys orny ashylyp, kirister qosymsha 100 mlrd. teńgege ulǵaiady. Búgingi kúni, jalpy quny 86 mlrd. teńge bolatyn 31 investtsiiialyq joba iske qosylyp, 1300-den astam jumys orny ashyldy.
