Túrkistanda oblystyq «Farab» ámbebap ǵylymi kitaphanasy men Y.Altynsarin atyndaǵy oblystyq balalar kitaphanasynyń birlesýimen «Ulttyq kitap kúnine» orai shara ótti,– dep habarlaidy Dalanews.kz
Saltanatty jiynda oblystyq mádeniet basqarmasy basshysynyń orynbasary Ádil Nurjanuly arnaiy sóz sóilep, merekeniń mańyzdylyǵyna toqtaldy.
Sondai-aq, jiynǵa qatysqan jýrnalist Telman Beisen, tarihshy-ustaz Baian Adyrbek, mádeniet qairatkeri, Túrkistan qalasyndaǵy «Áielder alqasynyń» tóraiymy - Uljan Mustafaeva, aqyn, QR Jazýshylar odaǵynyń múshesi - Sailaýhan Jolanov, jýrnalist Tórebek Baitas, aqyn Dáýren Tileýhan ulttyq kitap kúnimen quttyqtap, jyly lebizderin bildirdi.
Budan bólek, is-sharaǵa «TalkLike» oqyrmandar klýbynyń músheleri men oqyrmandary qatysty.
Mádeni shara - kitap súier qaýymnyń demalys kúnderindegi oqýǵa degen mahabbatyn, jaily atmosferasyn jáne oqyǵan kitaptarynan alǵan áserlerin bólisýge baǵyttalǵan.
Sondai-aq, «Weekend.Book.Vibes» aiasynda «Oqyrman dámhanasy» taqyrybynda shara ótti. Sonymen qatar, is-shara barysynda ádebi viktorinalyq suraqtar, kitap kórmesi jasaqtalyp, sholý tanystyrylymdar ótkizildi.
