Túrkistan oblysynda azamattar múlikteri men tabysy bar otbasy múshelerin jasyryp, ataýly áleýmettik kómek alǵan, dep habarlaıdy Dalanews.kz.
Prokýratýra organdary ataýly áleýmettik kómek (AÁK) alý úshin azamattardyń ózderiniń naqty tabystaryn jáne jumys isteıtin otbasy músheleriniń sanyn jasyrǵan faktilerin anyqtady.
Atap aıtqanda, Saryaǵash (11), Keles (6) jáne Maqtaaral (2) aýdandarynyń turǵyndary tabystaryn jasyrǵany úshin memleket qarjysynan 4,2 mln teńgeni zańsyz ıemdengen.
Sonymen qatar, Keles aýdanyndaǵy 13 turǵyn ótinish berý kezinde otbasymen birge turatyn múshelerin ádeıi jasyrǵan, osylaısha jıyntyq tabysty tómendetip, kedeıshilik sheginen aspaýǵa tyrysqan.
Nátıjesinde olar 2,2 mln teńgeni zańsyz alǵan.
Atalǵan fakt boıynsha ýákiletti organǵa prokýrorlyq qadaǵalaý aktisi engizildi.
