Memleket basshysy Qasym-Jomart Toqaev aýyl sharýashylyǵy tehnikalaryn jańartýǵa qoldaý kórsetý jóninde tapsyrma bergen edi. Túrkistan óńirinde osy baǵytta jumys júrip jatyr, dep habarlaidy Dalanews.kz.
Túrkistan oblysynyń ákimi Darhan Satybaldy Ordabasy aýdanyna issapary aiasynda Aqbulaq aýylynda ornalasqan "KAZ KIOTI" zaýytynda bolyp, sharýalarmen kezdesti. Búginde oblysta "Aýyl amanaty" jobasy aiasynda "Trade in" baǵdarlamasy qoldanylyp, sharýalarǵa aýyl sharýashylyǵy tehnikalary usynylýda.
Oblys ákimi sharýalarǵa traktorlar men kombaindar kiltterin tabystady. Jalpy, búgin 48 sharýa jańa tehnikaǵa ie boldy.
"Túrkistan oblysysynda aýyl sharýashylyǵy salasyna "Aýyl amanaty" jobasy arqyly naqty qoldaý kórsetilip jatyr. "Trade in" baǵdarlamasy da tiimdi júzege asýda. Osy qoldaýlar arqyly aýyl sharýashylyǵy tehnikalary jańarýda. Búgin oblysymyzdyń sharýalarymen qýanyshty sátte kezdesip turmyz. Jańa tehnikalarryńyz qutty bolsyn! Biz árdaiym óńir ekonomikasyn damytýǵa sep beretin jobalardy qoldaýǵa daiynbyz", – dedi Darhan Satybaldy.
Tehnikaǵa ie bolǵan sharýalar memlekettik qoldaýǵa rizashylyqtaryn bildirip, basshylarǵa alǵystaryn aitty.
Túrkistan oblysynda "Trade in" baǵdarlamasy júzege asýda. Bul rette "KAZ KIOTI" kompaniiasy naqty iske kirisip ketti. Baǵdarlama arqyly sharýalardyń isten shyqqan eski tehnikalary naryqtyq baǵamen baǵalanyp, qabyldanady. Bul – sharýalarǵa jańa traktor alýǵa úlken múmkindik. Eski traktor men tehnikanyń baǵalanǵan quny alǵashqy jarna retinde alynyp, zaýyttan shyqqan jańa traktorlar "Ońtústik" AIO JShS jáne "Yrys" mikro qarjy uiymy arqyly lizingke tómen paiyzben rásimdeledi.
Ońtústik Koreianyń "Daedong" kompaniiasymen birge jinaqtalatyn aýyl sharýashylyq traktorlarynyń óndiretin kásiporyn 2015 jyly jumysyn bastaǵan. Joba jeke investor esebinen júzege asyp jatyr. 5 gektar aýmaqta ornalasqan zaýyttyń investitsiialyq quny – 6 919,0 mln teńge. Munda 50 adam turaqty jumyspen qamtylǵan. Zaýyt tolyq qýattylyǵyna shyqqanda jylyna 2000 tehnika jinaýǵa múmkindigi bolady. Ótken jyly 304 dana traktor, 6 kombain jasap shyǵarsa, osy jyldyń 3 aiynda 180 dana traktor jinaǵan.
Zaýyt basshylyǵy jobanyń sátti júzege asatynyna senimdi. Ol óndiristi odan ári damytýdy, onyń ishinde, óndiristik qýatty arttyrýdy, shyǵarylatyn ónim túrlerin kóbeitýdi, lokalizatsiialaý paiyzyn arttyrýdy josparlap otyr.
Óńirde aýyl sharýashylyǵy tehnikalaryn jańartý jumystary jalǵasady.
