مەملەكەت باسشىسى قاسىم-جومارت توقاەۆ اۋىل شارۋاشىلىعى تەحنيكالارىن جاڭارتۋعا قولداۋ كٶرسەتۋ جٶنٸندە تاپسىرما بەرگەن ەدٸ. تٷركٸستان ٶڭٸرٸندە وسى باعىتتا جۇمىس جٷرٸپ جاتىر, دەپ حابارلايدى Dalanews.kz.
تٷركٸستان وبلىسىنىڭ ەكٸمٸ دارحان ساتىبالدى ورداباسى اۋدانىنا ٸسساپارى اياسىندا اقبۇلاق اۋىلىندا ورنالاسقان "KAZ KIOTI" زاۋىتىندا بولىپ, شارۋالارمەن كەزدەستٸ. بٷگٸندە وبلىستا "اۋىل اماناتى" جوباسى اياسىندا "Trade in" باعدارلاماسى قولدانىلىپ, شارۋالارعا اۋىل شارۋاشىلىعى تەحنيكالارى ۇسىنىلۋدا.
وبلىس ەكٸمٸ شارۋالارعا تراكتورلار مەن كومبايندار كٸلتتەرٸن تابىستادى. جالپى, بٷگٸن 48 شارۋا جاڭا تەحنيكاعا يە بولدى.
"تٷركٸستان وبلىسىسىندا اۋىل شارۋاشىلىعى سالاسىنا "اۋىل اماناتى" جوباسى ارقىلى ناقتى قولداۋ كٶرسەتٸلٸپ جاتىر. "Trade in" باعدارلاماسى دا تيٸمدٸ جٷزەگە اسۋدا. وسى قولداۋلار ارقىلى اۋىل شارۋاشىلىعى تەحنيكالارى جاڭارۋدا. بٷگٸن وبلىسىمىزدىڭ شارۋالارىمەن قۋانىشتى سەتتە كەزدەسٸپ تۇرمىز. جاڭا تەحنيكالاررىڭىز قۇتتى بولسىن! بٸز ەردايىم ٶڭٸر ەكونوميكاسىن دامىتۋعا سەپ بەرەتٸن جوبالاردى قولداۋعا دايىنبىز", – دەدٸ دارحان ساتىبالدى.
تەحنيكاعا يە بولعان شارۋالار مەملەكەتتٸك قولداۋعا ريزاشىلىقتارىن بٸلدٸرٸپ, باسشىلارعا العىستارىن ايتتى.
تٷركٸستان وبلىسىندا "Trade in" باعدارلاماسى جٷزەگە اسۋدا. بۇل رەتتە "KAZ KIOTI" كومپانيياسى ناقتى ٸسكە كٸرٸسٸپ كەتتٸ. باعدارلاما ارقىلى شارۋالاردىڭ ٸستەن شىققان ەسكٸ تەحنيكالارى نارىقتىق باعامەن باعالانىپ, قابىلدانادى. بۇل – شارۋالارعا جاڭا تراكتور الۋعا ٷلكەن مٷمكٸندٸك. ەسكٸ تراكتور مەن تەحنيكانىڭ باعالانعان قۇنى العاشقى جارنا رەتٸندە الىنىپ, زاۋىتتان شىققان جاڭا تراكتورلار "وڭتٷستٸك" ايو جشس جەنە "ىرىس" ميكرو قارجى ۇيىمى ارقىلى ليزينگكە تٶمەن پايىزبەن رەسٸمدەلەدٸ.
وڭتٷستٸك كورەيانىڭ "Daedong" كومپانيياسىمەن بٸرگە جيناقتالاتىن اۋىل شارۋاشىلىق تراكتورلارىنىڭ ٶندٸرەتٸن كەسٸپورىن 2015 جىلى جۇمىسىن باستاعان. جوبا جەكە ينۆەستور ەسەبٸنەن جٷزەگە اسىپ جاتىر. 5 گەكتار اۋماقتا ورنالاسقان زاۋىتتىڭ ينۆەستيتسييالىق قۇنى – 6 919,0 ملن تەڭگە. مۇندا 50 ادام تۇراقتى جۇمىسپەن قامتىلعان. زاۋىت تولىق قۋاتتىلىعىنا شىققاندا جىلىنا 2000 تەحنيكا جيناۋعا مٷمكٸندٸگٸ بولادى. ٶتكەن جىلى 304 دانا تراكتور, 6 كومباين جاساپ شىعارسا, وسى جىلدىڭ 3 ايىندا 180 دانا تراكتور جيناعان.
زاۋىت باسشىلىعى جوبانىڭ سەتتٸ جٷزەگە اساتىنىنا سەنٸمدٸ. ول ٶندٸرٸستٸ ودان ەرٸ دامىتۋدى, ونىڭ ٸشٸندە, ٶندٸرٸستٸك قۋاتتى ارتتىرۋدى, شىعارىلاتىن ٶنٸم تٷرلەرٸن كٶبەيتۋدٸ, لوكاليزاتسييالاۋ پايىزىن ارتتىرۋدى جوسپارلاپ وتىر.
ٶڭٸردە اۋىل شارۋاشىلىعى تەحنيكالارىن جاڭارتۋ جۇمىستارى جالعاسادى.
