Túrkistan oblysy aýmaǵynda 2022 jyldyń 1 toqsany boıynsha 414 616 memlekettik qyzmet kórsetildi. Onyń 90%-y elektrondy túrde júzege asqan. Bul týraly búgingi brıfıńte Túrkistan oblysy boıynsha memlekettik kirister departamenti basshysynyń orynbasary Erkin Elshibekov málimdedi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

– Bıylǵy jyldyń alǵashqy toqsanynda memlekettik búdjet jospary 108% oryndaldy. Jergilikti búdjettiń osy jylǵa arnalǵan jospary boıynsha naqty túsim 33 mln teńgeni qurap, túsimderdiń ósý qarqyny 140%-ǵa jetti. Memlekettik qyzmetterdiń sapasyn arttyrý úshin oblys aýmaǵynda 17 aımaqtyq basqarma, keden beketterinde jumys isteıtin 7 qyzmet kórsetý ortalyqtary departament tarapynan únemi qatań baqylaýda. Barlyq ortalyqtarda «Keńes berý terezesi» bar, – dedi Erkin Keńesbekuly.

Qazirgi tańda memlekettik kirister departamenti ákimshilik kedergilerdi azaıtý úshin jáne turǵyndarǵa qolaıly jaǵdaı jasaý maqsatynda elektrondy servısterdiń aıasyn keńeıtýde. Máselen, azamattar arasynda «E-Salyq azamat», «E-salyq Business» mobıldi qosymshalary tanymal bola bastady. Ótken jyly oblystyń 100 myńnan astam turǵyny jáne 583 jeke kásipker mobıldi qosymshalardyń kómegine júgingen. Mobıldi qoldanbada onlaın brondaý, artyq tólemderdi basqarý, salyq tólemderin qaraý jáne tóleý múmkindikteri qarastyrylǵan.