Túrkistan oblysynyń Maqtaaral aýdanynda tártip saqshylaryna oq atyp, qarsylyq kórsetken er adamdy politseiler atyp óltirdi. Oqiǵa otbasylyq janjaldan keiin bolǵan, dep habarlaidy Dalanews.kz.
Túrkistan oblystyq politsiia departamentiniń málimetinshe, tártip saqshylaryna jergilikti turǵyn habarlasyp, burynǵy kúieýi úige qarýmen kelip, kámeletke tolmaǵan balalardyń kózinshe janjal shyǵarǵanyn aitqan.
Politsiia kelgen kezde er adamdy ustaýǵa áreket jasalǵan. Alaida ol úiden qashyp shyǵyp, kórshi aýladaǵy saraiǵa tyǵylǵan. Qaýipsizdik úshin aýmaq tolyq qorshaýǵa alynǵan.
Quqyq qorǵaý organdarynyń zańdy talabyna qaramastan, er adam qarý qoldanýdy toqtatpaǵan. Politseiler aldymen eskertý retinde aýaǵa oq atqanymen, ol baǵynbaǵan. Sońynda tártip saqshylary qyzmettik qarý qoldanýǵa májbúr bolyp, er adam oqiǵa ornynda kóz jumdy.
Politsiianyń habarlaýynsha, qazirgi ýaqytta bolǵan jaǵdaidyń barlyq mán-jaiyn anyqtaý úshin tiisti tergeý jáne jedel is-sharalar júrgizilip jatyr. Tergeý barysy oblystyq politsiia basshylyǵynyń baqylaýynda.
Oqiǵa ornyn qarap-tekserý kezinde tirkelmegen sholaq myltyq, oq-dáriler jáne gilzalar tárkilendi. Qylmystyq is qozǵaldy.
