Memleket basshysy Qasym-Jomart Toqaevtyń tapsyrmasyn oryndaý maqsatynda qaladaǵy saýda oryndary men naýbaihana ókilderiniń qatysýymen «Túrkistan» ÁKK AQ turaqtandyrý qorynyń shuǵyl jinalysy ótkizilip, baǵanyń kóterilýine jol bermeý sharalary talqylandy.
Máseleni sheshý úshin Qostanai oblysynan Túrkistan qalasyna bidaidy arzan baǵamen jetkizý týraly kelissózder júrgizildi.
Osydan keiin «Aqjol» JShS naýbaihanasymen kelisimge qol jetkizildi.
Naýbaihanada kún saiyn 1-surypty unnan 25 000 dana pisirilgen nan óndirip, Túrkistan qalasyndaǵy suranystyń 80%-yn qamtamasyz etedi.
Oblys ákimdiginde júieli jumys júrgizilip, nátijesinde arzan baǵadaǵy shikizatpen qamtamasyz etilip jatqanyn atap ótti. Kúnine 2 000 dana áleýmettik nan barlyq dúkenderge bólinip jetkiziledi jáne 75 teńgeden satylady. Bul búkil respýblika boiynsha básekege qabiletti baǵalardyń biri.
Naýbaihana aiyna 1-surypty unnan 375 tonna nan shyǵarady, ol qaladaǵy 20 saýda núktesinde satylady, bul azyq-túlik satatyn saýda oryndarynyń jalpy sanynyń 66%-yn quraidy. Sonymen qatar, qazirgi ýaqytta áleýmettik mańyzy bar azyq-túlik taýarlaryna baǵany turaqtandyrý maqsatynda Túrkistan oblysynyń azyq-túlik dúkenderine, áleýmettik nan ónimderin shyǵaratyn qaita óńdeý kásiporyndaryna (diirmender, naýbaihanalar jáne t.b.) nesie berý máselesi qarastyrylýda.
Esterińizge sala keteiik, «Túrkistan» ÁKK AQ turaqtandyrý qory áleýmettik mańyzy bar azyq-túlik taýarlarynyń baǵasyn retteý jáne oblystyń bazarlary men saýda núktelerindegi baǵalardyń turaqtanýyn qamtamasyz etedi.
Túrkistan oblysy ákiminiń baspasóz qyzmeti
