Túrkistan oblysynda memlekettik qyzmettiń oń imidjin qalyptastyrý basym baǵytqa ainalǵan
Jyl basynan beri anonimdi saýalnama qorytyndysy boiynsha 45 seminar- jiyndar ótti. Mamandar 13 aýdan ortalyqtaryna jáne 32 aýyldyq jáne aýyldyq okrýgterge baryp, jergilikti BAQ-ta jariialai otyryp, azamattardy jeke qabyldaý júrgizdi. Jeke keste boiynsha QR Memlekettik qyzmet isteri agenttiginiń oblystyq departamentiniń qyzmetkerlerimen birge oblys ákimdiginiń barlyq basqarmalarynda etika normalaryn, memlekettik qyzmet salasyndaǵy ózgeristerdi, sondai-aq qyzmetterdiń sapasyn jaqsartý boiynsha keńester ótkizildi.
Aita keteiik, áleýmettik jelilerde Túrkistan oblysy ákimi apparatynyń Ádep jónindegi ýákiliniń paraqshasy ashyldy. Búgingi tańda 36 eseptik jariialanym jariialandy. Sonymen qatar, jergilikti BAQ-ta etikalyq normalardy saqtaýdyń negizgi baǵyttary týraly maqalalar jaryq kórdi. JAO barlyq ǵimarattarynda jalpyǵa qoljetimdi oryndarda oblys ákimi apparatynyń Ádep jónindegi ýákili týraly tolyq aqparat ornalastyrylǵan.
– Jyl basynan beri telefon arqyly keńes alý úshin oblystyń ár aýdanynan 8 azamat júgindi. Quqyqtar men bostandyqtardyń buzylýy týraly 6 ótinish tústi. Ótinishterdi qaraý qorytyndysy boiynsha eki memlekettik qyzmetshi tártiptik jazaǵa tartyldy, al 4 ótinish boiynsha quqyq buzýshylyq rastalǵan joq. Memlekettik qyzmettiń oń imidjin qalyptastyrý, sondai-aq zańnamany, sybailas jemqorlyqqa qarsy is-qimyl men Ádep kodeksin buzýdyń aldyn alý jáne oǵan jol bermeý úshin osy jyldyń naýryz aiynyń sońynda «Nur Otan» partiiasy oblystyq filialynyń qyzmetkerlerimen keńes ótti. Osy aidyń basynda partiia filialynyń qoǵamdyq qabyldaýynda Facebook-te brifing bolyp, paidalanýshylardyń suraqtaryna jaýap berildi, – deidi Túrkistan oblysy ákimi apparatynyń Ádep jónindegi ýákili Maqsat Isaev.
Sondai-aq, BAQ-taǵy jariialanymdar boiynsha qyzmettik etikanyń oryndalýyna turaqty monitoring júrgiziledi. Qalalar men aýdandardaǵy Ádep jónindegi ýákilderdiń jumysyn yntalandyrý úshin QR Memlekettik qyzmet isteri agenttiginiń aýmaqtyq departamentiniń qyzmetkerlerimen birlesip jumysty baǵalaýdyń 16 kórsetkishinen reiting engizildi. Jyl sońyna deiin memlekettik qyzmetkerlerdi profilaktikalyq materialdarmen qamtamasyz etý josparlanýda.
Biylǵy jyldyń I toqsanynyń qorytyndysy boiynsha Memlekettik qyzmet isteri agenttiginiń Departamentine ótken jyldyń sáikes kezeńimen salystyrǵanda kelip túsken ótinishterdiń jalpy sany 88-ge nemese 40% - ǵa tómendedi. Jeke tulǵalardan shaǵymdar sany 70-ke deiin nemese 47% - ǵa azaidy.
