Túrkistan oblysynda maqta terimi bastaldy
Túrkistan oblysy Jetisai aýdanynda maqta terimi bastaldy
Qazirgi tańda aýdanda aq altyndy qolmen terý jumystary J.Eraliev, Sh.Dildabekov, Maqtaly, Qaraqai aýyl okrýgterindegi sharýa qojalyqtary bastap jiberdi.
Jalpy aǵymdaǵy jyly aýdanda 48220 gektarǵa maqta dáni sebilgen. Aýdan sharýalary ótken jyly ortasha eseppen maqtanyń ár gektarynan 25 tsentnerden ónim jinasa, biyl da osy kórsetkishten tómen bolmaidy dep boljam jasap otyr. Endi birer kúnde maqta alqaptaryna kombaindar jumysqa kirispek. Ázirdiń ózinde aýdanda 70-ke jýyq «DjonDir» maqta teretin kombaindardyń tehnikalyq daiyndyqtary pysyqtalýda. Onyń 65-i 4 júiekti. Iaǵni, árbir kombain bir mezette 4 júiektegi aq altyndy jinaýǵa qaýqarly.
Aita keterligi, sharýalarǵa memleket tarapynan beriletin janar-jaǵarmai talondary taratylyp berilýde. Sondai-aq, alqaptarda maqtany himiialyq ádispen qýratý jumystary júrgizilip jatyr. Sonymen qatar, aýdan kóleminde aq altyn jinaýǵa arnalǵan qabyldaý beketteri iske qosylýda.
Túrkistan oblysy ákiminiń baspasóz qyzmeti
