Kúni keshe Báıdibek aýdanynyń ákimi Baqytbek Tanagózov, aýdandyq kásipkerlik bóliminiń basshysy Meıirjan Berikov Astana qalasynda ótken «Jańartylatyn energıa kózderin damytý» Qazaqstan-Koreı yntymaqtastyǵy atty forýmǵa qatysty.
Forým aıasynda Báıdibek aýdanynyń ákimi Baqytbek Tanagózov men KK-Kiunsen atty Koreı ınvestısıalyq kompanıasynyń prezıdenti Djon Eng Sýn arasynda memorandýmǵa qol koılady. Joba quny – 15 mıllıon dollar.
Sonymen qatar, KK-Kiunsen kompanıasy men JSHS «RFS» arasynda jańartylatyn kún sáýlesi arqyly óndiriletin elektr energıasyn 15 jyl boıy satyp alyný týraly kelisim shartqa qol qoıylady.
Jobany iske asyrý barysynda 200 gektar jer telimi Báıdibek aýdany ákimshiliginen bólindi. Qarjylandyrý máselesi Koreı eli tarapynan asyrylady.
KK-Kiunsen kompanıasy Qazaqstanda kún elektr stansıasy jobasyn júzege asyrǵaly jatyr, sonymen qatar, shaǵyn jel elektr stansıalaryna arnalǵan qurylǵylaryn óndiretin zaýytyn salýdy josparlaýda.
Atalmysh máselege qatysty KK-Kiunsen komnaıasynyń prezıdenti Djon Eng Sýn: – Byltyr Astanada halyqaralyq EHRO kórmesiniń ótkenin bilemiz. Sondyqtan Qazaqstanda balamaly qýat kózderine erekshe mán beriletini belgili. Munda osy sala boıynsha birqatar jobany júzege asyrýǵa bolady. Ol úshin jaqsy jaǵdaı jasalǵan. Koreıa tehnologıasy men Qazaqstannyń múmkindigin qosqanda, álemdik dárejedegi taýar óndirýge bolady,- dep pikirin bildirgen bolatyn.
Forýmda Báıdibek aýdanynyń ákimi Baqytbek Tanagózov sóz sóılep, aýdanda salynatyn nysannyń qansha megavat elektr óndiretinin aıtty.
– «Qurylatyn stansıa 10 megavattyq bolady. Bolashaqta onyń kólemin ulǵaıý máselesi bar. Tutynatyn Túrkistan oblysynyń aımaqtary bolyp esepteledi»,- dedi.
Aıta keteıik, oblysta qazirdiń ózinde jalpy qýaty 10,22 MVt-ty quraıtyn 10 jańartylatyn energıa kózderiniń nysany bar.
