Túrkistan oblysynda karantindik talaptar jumsardy
– 27-qyrkúiekten bastap kúshine engen Qaýlyda «qaýipsiz» mártebesi bar qyzmetkerler men kelýshileri bolǵan kezde tolymdylyǵyn 50%-dan asyrmai 100 kelýshiden kóp emes jaǵdaida otbasylyq is-sharalar men toilardy ótkizýge, konferentsiialar men forýmdardy uiymdastyrýǵa ruqsat berildi. «Ashyq» jobasyna qatyspaityn nysandarda joǵaryda atalǵan barlyq sharalardyń ótýine tyiym salynady. Sonymen qatar, buǵan deiin jeksenbi kúni júrýine tyiym salynǵan qoǵamdyq kólikter senbi, jeksenbi kúnderi qyzmet kórsetedi, –dedi Nurbek Sadyqbekuly.
Jańa Qaýlyda tolymdylyǵy 70%-dan aspaityn 500 kelýshiden artyq emes túrde «qaýipsiz» mártebedegi azamattardyń qatysýymen kórme ótkizýge bolady delingen. Ashyq aýada 1000 adamnan artyq emes jaǵdaida marafondar, sporttyq is-sharalar kelýshilerdiń tolymdylyǵy 80%-dan asyrylmai ótkizilýi tiis.
Oblystyń bas dárigeriniń orynbasary Altyn Meirambaiqyzynyń aitýynsha, aimaqqa koronavirýsqa qarsy vaktsinanyń I komponentiniń 908 630 danasy, II komponentten 813 470 dozasy jetkizilgen. Ekpe egý boiynsha oblys halqynyń 95%-y I komponentin, 76,8% II-komponentin saldyrǵan.
