تٷركٸستان وبلىسىندا كارانتيندٸك تالاپتار جۇمساردى
– 27-قىركٷيەكتەن باستاپ كٷشٸنە ەنگەن قاۋلىدا «قاۋٸپسٸز» مەرتەبەسٸ بار قىزمەتكەرلەر مەن كەلۋشٸلەرٸ بولعان كەزدە تولىمدىلىعىن 50%-دان اسىرماي 100 كەلۋشٸدەن كٶپ ەمەس جاعدايدا وتباسىلىق ٸس-شارالار مەن تويلاردى ٶتكٸزۋگە, كونفەرەنتسييالار مەن فورۋمداردى ۇيىمداستىرۋعا رۇقسات بەرٸلدٸ. «Ashyq» جوباسىنا قاتىسپايتىن نىسانداردا جوعارىدا اتالعان بارلىق شارالاردىڭ ٶتۋٸنە تىيىم سالىنادى. سونىمەن قاتار, بۇعان دەيٸن جەكسەنبٸ كٷنٸ جٷرۋٸنە تىيىم سالىنعان قوعامدىق كٶلٸكتەر سەنبٸ, جەكسەنبٸ كٷندەرٸ قىزمەت كٶرسەتەدٸ, –دەدٸ نۇربەك سادىقبەكۇلى.
جاڭا قاۋلىدا تولىمدىلىعى 70%-دان اسپايتىن 500 كەلۋشٸدەن ارتىق ەمەس تٷردە «قاۋٸپسٸز» مەرتەبەدەگٸ ازاماتتاردىڭ قاتىسۋىمەن كٶرمە ٶتكٸزۋگە بولادى دەلٸنگەن. اشىق اۋادا 1000 ادامنان ارتىق ەمەس جاعدايدا مارافوندار, سپورتتىق ٸس-شارالار كەلۋشٸلەردٸڭ تولىمدىلىعى 80%-دان اسىرىلماي ٶتكٸزٸلۋٸ تيٸس.
وبلىستىڭ باس دەرٸگەرٸنٸڭ ورىنباسارى التىن مەيرامبايقىزىنىڭ ايتۋىنشا, ايماققا كوروناۆيرۋسقا قارسى ۆاكتسينانىڭ I كومپونەنتٸنٸڭ 908 630 داناسى, II كومپونەنتتەن 813 470 دوزاسى جەتكٸزٸلگەن. ەكپە ەگۋ بويىنشا وبلىس حالقىنىڭ 95%-ى I كومپونەنتٸن, 76,8% II-كومپونەنتٸن سالدىرعان.
