Túrkistan oblysynda buǵan deıin jumys ýaqyttaryna shekteý qoıylǵan gıpermarketter, shaǵyn marketter, úı janyndaǵy dúkender, monshalar, ashyq aýadaǵy atraksıondar, bıznes-ortalyqtar men qyzmet kórsetý salasyndaǵy nysandar qalypty jaǵdaıda jumys isteıtin bolady. Bul týraly jýrnalısermen bolǵan brıfıńte oblystyq sanıtarıalyq-epıdemıologıalyq baqylaý departamenti basshysynyń orynbasary Asqar Ysqaqov málimdedi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Departament basshysynyń aıtýynsha, buǵan deıin tyıym salynǵan balalarǵa arnalǵan oıyn-saýyq ortalyqtarynyń jumys isteýine ruqsat beriledi. Oıyn alańdary men jabyq úı jaılardaǵy atraksıondar 30%-ǵa toltyryla otyryp, saǵat 09.00-den 22.00-ge deıin qyzmet kórsetedi.

– Bılárd, boýlıń jáne kompúterlik klýbtar da 30%-ǵa toltyryla otyryp jumys isteı bastaıdy. Qoǵamdyq tamaqtaný oryndarynyń jumys isteý ýaqyty 22:00 den 24:00-ge deıin uzartyldy. Meıramhanalardyń banket zaldarynda as berýge ruqsat etildi. Degenmen toltyrylýy – 50%-ǵa deıin, 50 oryndyqtan aspaý qajet. Sonymen qatar, kitaphanalar men murajaılardyń qyzmeti, teatrlar, kınoteatrlar, konsert zaldary, fılarmonıalardyń qyzmeti buǵan deıin tolymdylyǵy 20%-ǵa deıin bolsa, jańa qaýlyǵa sáıkes tolymdylyǵy 30% bolady. Al fıtnes jáne sporttyq-saýyqtyrý ortalyqtarynyń qyzmeti saǵat 10.00-den 24.00-ge deıin uzartyldy, – dedi Asqar Bekbolatuly.

Jıynǵa qatysqan oblystyq qoǵamdyq densaýlyq basqarmasy basshysynyń orynbasary Altyn Dosanova óńirdegi epıdemıalyq ahýalǵa toqtaldy.

– Túrkistan oblysynda pandemıa bastalǵaly beri «COVID-19» indetimen tirkelgen jaǵdaılar sany búgingi tańǵa 5 956 qurap otyr. Jazylyp shyqqandar sany – 5 503, qaıtys bolǵandar – 52. Sońǵy táýlikte 17 adam KVI aýrýshańdyqpen tirkelgen. Qazirgi tańda 598 adam koronavırýstyq ınfeksıasymen emdelýde, onyń ishinde 508-i ınfeksıalyq stasıonarda, al 90-y karantındik stasıonarda jáne 319 adam úı karantıninde baqylaýda. Túrkistan oblysyna aqpan aıynan bastap jalpy 180 100 doza vaksına jetkizilgen. Búgingi kúnge deıin – 178 379 adam 1-shi komponentpen vaksına qabyldady. Sonymen qatar, 22 aqpannan bastap revaksınasıa ótkizilip, barlyǵy 43 083 adamǵa salyndy, – dedi Altyn Meırambaıqyzy.

Brıfıńke qatysqan «Atameken» kásipkerler palatasy dırektorynyń orynbasary Zýhra AmırovaTúrkistan oblysynda 150-den asa kásipker «Ashyq» jobasy arqyly jumys istep jatqandyǵyn jetkizdi.

«Túrkistan oblysynda «Ashyq» jobasyna qatysýǵa ótinim bergen kásipkerlerdiń sany kún saıyn artyp keledi. 18 mamyrdaǵy jaǵdaı boıynsha Túrkistan oblysynyń kásipkerlerinen 223 ótinim kelip túsken. Onyń ishinde 155 nysan QR kod alyp jumys isteýde. Al qalǵan ótinimder boıynsha tıisti ruqsat qujattaryn tekserý jumystary júrgizilip, QR kod alý úshin joldanýda» dedi ol.