Túrkistan oblysynda avtomobil joldaryn salý jáne jóndeý kezinde básekelestik talaptaryn buzý arqyly 2,2 mlrd teńgeniń negizsiz kelisimsharttary jasalǵany anyqtaldy, dep habarlaidy Dalanews.kz.
Antikordyń málimetinshe, ákimdikter tótenshe jaǵdailardy joiý nemese ziiatkerlik menshik obektilerin satyp alý qajettiligin jeleý etip, konkýrstyq rásimderdi ainalyp ótip, naqty merdigerlerdi tańdaǵan. Bul tájiribesiz jáne qajetti resýrstary joq kompaniialarǵa negizsiz basymdyq berýge múmkindik jasaǵan.
Sondai-aq ortasha jóndeý jumystaryna arnalǵan smetalarǵa negizsiz shyǵyndar engizilip, bul jobalardyń qunyn 177 mln teńgege ósirgen.
"Sonymen qatar jergilikti atqarýshy organdar talap etilmegen jobalaý-smetalyq qujattama ázirleýge 210 mln teńge jumsady", – delingen Antikor habarlamasynda.
Sonymen qatar ortasha jóndeý jumystaryna arnalǵan smetalarǵa negizsiz shyǵyndar engizilip, bul jobalardyń qunyn 177 mln teńgege ósirgen. Taldaý nátijesinde memlekettik satyp alý erejelerin buzǵan jaýapty tulǵalar ákimshilik jaýapkershilikke tartyldy. Oblys ákimdigi ortasha jóndeý jumystarynyń smetalarynan artyq shyǵyndardy alyp tastap, qarajat bólýsiz jobalaý-smetalyq qujattamalardy ázirleýge jol bermeitin zańnamalyq ózgerister engizýdi qolǵa aldy.
